مری زلفیں نہیں کالی گھٹا ہیں مری پیشانی ہے مہتاب جیسی مری آنکھیں کنول کی پنکھڑی ہیں مرے لب ہیں گلابوں سے مشابہ مرے گالوں میں ہے لالی شفق کی مری گردن صراحی دار دیکھو مری باہیں ہیں مثل شاخ صندل بدن میرا ہے لالہ زار دیکھو اداؤں میں مری جادوگری ہے مری ہستی مکمل شاعری ہے ہوس کے مارو ...
جب شام کے سائے ڈھل جائیں جب شمعیں فلک کی جل جائیں جب رات درخشاں ہو جائے پر نور شبستاں ہو جائے تب ساتھ مرے تم سو جانا اور خواب زریں میں کھو جانا
میں اس کو تکتا رہتا ہوں جو فرخ زاد کی غزلوں کی صورت خوب صورت ہے کہ جس کے پھول سے تن کو کسی رنگین تتلی کے رسیلے معتبر ہونٹوں کے بوسوں کی ضرورت ہے وہ اک شہکار ہے شاید خدائے پاک کے فن کا کہ جس کی سادگی میں بھی ہے رقصاں حسن کا جادو کمر سینہ ہو گردن ہو کہ اس کے دست اور بازو تراشیں سب کی ...
یہ تیرے ہجر کی آندھی کہاں لے آئی ہے مجھ کو یہاں ہر سمت اک سورج سوا نیزے پہ جلتا ہے نہ سر سے دھوپ اترتی ہے نہ سایہ کوئی ڈھلتا ہے ہوائے شام چلتی ہے نہ کوئی شمع جلتی ہے فلک پر نجم آتے ہیں نہ تو مہتاب آتا ہے کسی کی آنکھ سوتی ہے نہ کوئی خواب آتا ہے
کیا کہوں زخم کتنا گہرا ہے دور تک صرف محض صحرا ہے ہر قدم پر بگولے رقصاں ہیں راہ میں ہر سو شعلے رقصاں ہیں نہ شجر ہے نہ کوئی سایہ ہے کوئی چشمہ نہ کوئی دریا ہے دھوپ سر پر برستی رہتی ہے پیاس لب پر لرزتی رہتی ہے تیرگی چشم تر پہ طاری ہے اور سفر ہے کہ پھر بھی جاری ہے