سمپورن سنگھ۔ ممتاز فلم ساز و ہدایت کار، فلم نغمہ نگار اور افسانہ نگار۔ مرزا غالب پر ٹیلی ویژن سیریل کے لئے مشہور۔ ساہتیہ اکادمی اوارڈ یافتہ
Film-maker, lyricist and fiction writer. Famous for his tele-serial on Mirza Ghalib. Recipient of Sahitya Academy and Dada Sahab Phalke award.
سارا دن میں خون میں لت پت رہتا ہوں سارے دن میں سوکھ سوکھ کے کالا پڑ جاتا ہے خون پپڑی سی جم جاتی ہے کھرچ کھرچ کے ناخونوں سے چمڑی چھلنے لگتی ہے ناک میں خون کی کچی بو اور کپڑوں پر کچھ کالے کالے چکتے سے رہ جاتے ہیں روز صبح اخبار مرے گھر خون میں لت پت آتا ہے
وقت کو آتے نہ جاتے نہ گزرتے دیکھا نہ اترتے ہوئے دیکھا کبھی الہام کی صورت جمع ہوتے ہوئے اک جگہ مگر دیکھا ہے شاید آیا تھا وہ خوابوں سے دبے پاؤں ہی اور جب آیا خیالوں کو بھی احساس نہ تھا آنکھ کا رنگ طلوع ہوتے ہوئے دیکھا جس دن میں نے چوما تھا مگر وقت کو پہچانا نہ تھا چند تتلائے ہوئے ...
شہتوت کی شاخ پہ بیٹھا کوئی بنتا ہے ریشم کے تاگے لمحہ لمحہ خول رہا ہے پتہ پتہ بین رہا ہے ایک ایک سانس بجا کر سنتا ہے سودائی ایک ایک سانس کو خول کے اپنے تن پر لپٹاتا جاتا ہے اپنی ہی سانسوں کا قیدی ریشم کا یہ شاعر اک دن اپنے ہی تاگوں میں گھٹ کر مر جائے گا!
بارش ہوتی ہے تو پانی کو بھی لگ جاتے ہیں پاؤں در و دیوار سے ٹکرا کے گزرتا ہے گلی سے اور اچھلتا ہے چھپاکوں میں کسی میچ میں جیتے ہوئے لڑکوں کی طرح جیت کر آتے ہیں جب میچ گلی کے لڑکے جوتے پہنے ہوئے کینوس کے اچھلتے ہوئے گیندوں کی طرح در و دیوار سے ٹکرا کے گزرتے ہیں وہ پانی کے چھپاکوں کی ...
بلی ماراں کے محلے کی وہ پیچیدہ دلیلوں کی سی گلیاں سامنے ٹال کی نکڑ پہ بٹیروں کے قصیدے گڑگڑاتی ہوئی پان کی پیکوں میں وہ داد وہ واہ وا چند دروازوں پہ لٹکے ہوئے بوسیدہ سے کچھ ٹاٹ کے پردے ایک بکری کے ممیانے کی آواز اور دھندلائی ہوئی شام کے بے نور اندھیرے سائے ایسے دیواروں سے منہ جوڑ ...
اک اداکار ہوں میں میں اداکار ہوں ناں جینی پڑتی ہیں کئی زندگیاں ایک حیاتی میں مجھے میرا کردار بدل جاتا ہے ہر روز نئی سیٹ پر میرے حالات بدل جاتے ہیں میرا چہرہ بھی بدل جاتا ہے افسانہ و منظر کے مطابق میری عادات بدل جاتی ہیں اور پھر داغ نہیں چھوٹتے پہنی ہوئی پوشاکوں کے خستہ کرداروں ...
وقت کی آنکھ پہ پٹی باندھ کے کھیل رہے تھے آنکھ مچولی رات اور دن اور چاند اور میں جانے کیسے کائنات میں اٹکا پاؤں دور گرا جا کر میں جیسے روشنی سے دھکا کھا کے، پرچھائیں زمیں پر گرتی ہے! دھیا چھونے سے پہلے ہی وقت نے چور کہا اور آنکھیں کھول کے مجھ کو پکڑ لیا!!
کندھے جھک جاتے ہیں جب بوجھ سے اس لمبے سفر کے ہانپ جاتا ہوں میں جب چڑھتے ہوئے تیز چڑھانیں سانسیں رہ جاتی ہیں جب سینے میں اک گچھا سا ہو کر اور لگتا ہے کہ دم ٹوٹ ہی جائے گا یہیں پر ایک ننھی سی میری نظم سامنے آ کر مجھ سے کہتی ہے مرا ہاتھ پکڑ کر، میرے شاعر لا، میرے کندھوں پر رکھ دے، میں ...
برف پگھلے گی جب پہاڑوں سے اور وادی سے کہرا سمٹے گا بیج انگڑائی لے کے جاگیں گے اپنی السائی آنکھیں کھولیں گے سبزہ بہہ نکلے گا ڈھلانوں پر غور سے دیکھنا بہاروں میں پچھلے موسم کے بھی نشاں ہوں گے کونپلوں کی اداس آنکھوں میں آنسوؤں کی نمی بچی ہوگی
دل میں ایسے ٹھہر گئے ہیں غم جیسے جنگل میں شام کے سائے جاتے جاتے سہم کے رک جائیں مر کے دیکھیں اداس راہوں پر کیسے بجھتے ہوئے اجالوں میں دور تک دھول ہی دھول اڑتی ہے!