ممتاز شاعر،اصناف سخن میں رباعی کے لیے مشہور
Prominent poet, known for his Rubaai
یوں تو کیا کیا نظر نہیں آتا کوئی تم سا نظر نہیں آتا ڈھونڈتی ہیں جسے مری آنکھیں وہ تماشا نظر نہیں آتا ہو چلی ختم انتظار میں عمر کوئی آتا نظر نہیں آتا جھولیاں سب کی بھرتی جاتی ہیں دینے والا نظر نہیں آتا زیر سایہ ہوں اس کے اے امجدؔ جس کا سایہ نظر نہیں آتا
ہر ذرے پہ فضل کبریا ہوتا ہے اک چشم زدن میں کیا سے کیا ہوتا ہے اصنام دبی زباں سے یہ کہتے ہیں وہ چاہے تو پتھر بھی خدا ہوتا ہے
کچھ وقت سے ایک بیج شجر ہوتا ہے کچھ روز میں ایک قطرہ گہر ہوتا ہے اے بندۂ نا صبور تیرا ہر کام کچھ دیر میں ہوتا ہے مگر ہوتا ہے
اصلیت اگر نہیں تو دھوکا ہی سہی اللہ بہت نہیں تو تھوڑا ہی سہی تسکین کی آخر کوئی صورت بھی تو ہو رویت ممکن نہیں تو رویا ہی سہی
جو معنی مضموں ہے وہی عنواں ہے واجب ہی میں ایک صورت امکاں ہے محشر ہو کہ قبر زندگی ہو کہ ہو موت جو یاں ہے وہاں ہے جو وہاں ہے یاں ہے
جو کچھ مصیبتیں ہیں تجھ پر کم ہیں خوشیاں دنیا کی تیرے حق میں سم ہیں غم سے کیوں دور بھاگتا ہے امجد معلوم نہیں تجھے کہ غم میں ہم ہیں