نہ تو خوف روز جزا کا ہو وہی عشق ہے نہ ملال رد دعا کا ہو وہی عشق ہے میں ہوں آئینہ ترا عکس ہے میری روح میں کوئی دائرہ نہ انا کا ہو وہی عشق ہے نہیں آرزو مری آرزو کو سنے خدا اثر آرزو میں بلا کا ہو وہی عشق ہے نہ ہوں خواہشیں نہ گلا کوئی نہ جفا کوئی نہ سوال عہد وفا کا ہو وہی عشق ہے
وقت سے لمحہ لمحہ کھیلی ہے زندگی اک عجب پہیلی ہے آج موسم بھی کچھ اداس ملا آج تنہائی بھی اکیلی ہے اس کی یادیں بھی بے وفا نکلیں صرف تنہائی اب سہیلی ہے اس کی یادوں میں پھر سے دستک دی خوب موسم نے چال کھیلی ہے جینے مرنے کے درمیاں میتاؔ روح نے جیسے قید جھیلی ہے
سن کے ہر سمت سسکیاں میں نے بند کر لیں تھیں کھڑکیاں میں نے یہ بھی دستور ہے محبت کا ہار کر جیتی بازیاں میں نے ہاتھ اٹھتے نہیں دعا کے لیے اب جلا دیں ہیں عرضیاں میں نے ہم سفر وہ جو ہم سفر ہی نہ تھا اور پھر کر لیں دوریاں میں نے پر کتر پائی جب نہ خوابوں کے بند ہی کر دیں کھڑکیاں میں ...