1. صفحۂ اول
  2. قومی زبان
  3. شاعری
  4. آج کی شام ٹھہر جاؤ غزل ہونے تک

آج کی شام ٹھہر جاؤ غزل ہونے تک

آج کی شام ٹھہر جاؤ غزل ہونے تک
التجا ہے کہ نہ گھر جاؤ غزل ہونے تک


تم گل رعنا ہو خوش رنگ ہو خوش بخت بھی ہو
خوشبو بن بن کے بکھر جاؤ غزل ہونے تک


سوئے احساس کی لہروں میں مچا دو ہلچل
آنکھ سے دل میں اتر جاؤ غزل ہونے تک


پھر خدا جانے یہ آئینہ رہے یا نہ رہے
آج موقع ہے سنور جاؤ غزل ہونے تک


اپنے ہر خواب کو کاغذ پہ مکمل کر لوں
میری آنکھوں میں ٹھہر جاؤ غزل ہونے تک


کس طرح تم کو سرورؔ آج قلم بند کرے
مجھ کو بتلا کے ہنر جاؤ غزل ہونے تک


قمر سرور سے متعلقہ

ہر طرف خوشیاں ہی خوشیاں تھیں نگر روشن تھا

جم گئی آنکھ میں تعبیر پگھلتی ہی نہیں

اپنے سائے سے بھی ڈرتی ہے تجھے کیا معلوم

سارے دکھ بھول گئے سارے ستم بھول گئے

کیا کھویا تھا کیا پایا تھا اب تو یہ بھی یاد نہیں

خوشی ہر دم نہیں رہتی مسلسل غم نہیں ہوتا

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن