1. صفحۂ اول
  2. قومی زبان
  3. شاعری
  4. یوں تو کیا کیا لوگ چھپے تھے دروازوں کے پیچھے

یوں تو کیا کیا لوگ چھپے تھے دروازوں کے پیچھے

یوں تو کیا کیا لوگ چھپے تھے دروازوں کے پیچھے
میں ہی بس اڑتا رہتا تھا آوازوں کے پیچھے


خون کا اک قطرہ ورنہ پھر موت کا نشہ ہوگا
پر ایسی شے کب ہوتی ہے پروازوں کے پیچھے


وہ تو لوگ بنا دیتے ہیں پر اسرار فضا کو
اکثر کوئی راز نہیں ہوتا رازوں کے پیچھے


موسیقار کے بس میں کب ہے لے کو لو میں ڈھالے
ایک ان دیکھا ہات بھی ہوتا ہے سازوں کے پیچھے


پھر تو اپنے خون میں تیر کے پار اترنا ہوگا
تلواروں کی فصل ہو جب تیر اندازوں کے پیچھے


تمغہ پنشن بیوہ بچے مایوسی تنہائی
ایک کہانی رہ جاتی ہے جاں بازوں کے پیچھے


اب تو ہر چوکھٹ پر ماتھا ٹیک رہے ہو سیفیؔ
اور اگر دیواریں نکلیں دروازوں کے پیچھے


منیر سیفی سے متعلقہ

آواز دے کے خود کو بلانا پڑا مجھے

میں نہیں تھا رتجگوں میں کون تھا میرے سوا

نڈر بھی ذات میں اپنی ہوں خود سے خائف بھی

کس منظر میں کیسے منظر اگ آتے ہیں

جب نہ گنبد نہ صدا رقص میں ہو

ایک سے جذبے خون میں سرخی ایک ہی تھی

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن