1. صفحۂ اول
  2. قومی زبان
  3. شاعری
  4. وطن کے جاں نثاروں کو ملیں گی بیڑیاں کب تک

وطن کے جاں نثاروں کو ملیں گی بیڑیاں کب تک

وطن کے جاں نثاروں کو ملیں گی بیڑیاں کب تک
لیا جائے گا آخر کار ہم سے امتحاں کب تک


اٹھا کرتا رہے گا یوں نشیمن سے دھواں کب تک
ہمارے آشیانوں پر گریں گی بجلیاں کب تک


ضمیر اہل سیاست کا بھلا کس روز جاگے گا
جلے گا نفرتوں کی آگ میں ہندوستاں کب تک


نہ سمجھاؤ ہمیں منشور اپنے بس یہ بتلا دو
ہمیں بھر پیٹ مل پائیں گی آخر روٹیاں کب تک


اثر کب تک کریں گی زہر میں ڈوبی یہ تقریریں
دلوں میں آپ رکھیں گے ہمارے دوریاں کب تک


بھلا کس روز ٹوٹیں گی روایت کی یہ زنجیریں
جہیزوں کے لئے جلتی رہیں گی بیٹیاں کب تک


جہاں ہنگامہ برپا ہو وہاں ہے کفر خاموشی
اے تشنہؔ تم بھی کچھ بولو رہو گے بے زباں کب تک


تشنہ اعظمی سے متعلقہ

نہیں روزے سے ہیں تو کیا اداکاری تو کرنی ہے

ڈر مجھے بھی لگتا ہے کم نظر زمانے سے

جن کے پاؤں بھی نہیں ہیں ان کو سر کہتے ہیں لوگ

قلب ویران سے رنگین غزل مانگے ہے

جگنو کے ساتھ ساتھ ہی مہتاب بھی تو ہیں

جہاں کو بانٹ کر خوشیاں جو مسکانوں میں رہتے تھے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن