وہم ہے یا اک گماں ہے زندگی

وہم ہے یا اک گماں ہے زندگی
کن کا بس اک اک بیاں ہے زندگی


زندگی کی شام سے پہلے تلک
موج ہے بہتی رواں ہے زندگی


سوز ہے جس میں نہ کوئی ساز ہے
رائیگاں ہی رائیگاں ہے زندگی


ڈوبتے سورج سے جا کے پوچھ لو
آسماں پہ اک دھواں ہے زندگی


کائناتی زندگی تفسیر ہے
زندگی کی ترجماں ہے زندگی


سانس لیتے پتھروں کے درمیاں
چاک پہ بنتا نشاں ہے زندگی


دیکھنی ہے زندگی تو دیکھیے
دو دلوں کے درمیاں ہے زندگی