طرز مجہول سر چشم نمودار ہوئے

طرز مجہول سر چشم نمودار ہوئے
پھول ہی پھول سر چشم نمودار ہوئے


حرف جتنے بھی روانہ تھے سوئے عرش بریں
ہو کے مقبول سر چشم نمودار ہوئے


چشم حیراں کہ شب وصل مع تشنہ دہن
چشم مبلول سر چشم نمودار ہوئے


ایک عاجز کو تھمائی گئی شمشیر انا
پھر جو مقتول سر چشم نمودار ہوئے


مرثیہ ہے کہ کئی پھول سے دل کش چہرے
اوڑھ کر دھول سر چشم نمودار ہوئے


کینہ و بغض و انا حرص و عداوت رنجش
کتنے محصول سر چشم نمودار ہوئے


درد آشوب خلش شبنم و تسکیں احرامؔ
بن کے محلول سر چشم نمودار ہوئے