1. صفحۂ اول
  2. قومی زبان
  3. شاعری
  4. تاکتی جھانکتی رہی آنکھیں

تاکتی جھانکتی رہی آنکھیں

تاکتی جھانکتی رہی آنکھیں
جانے کیا کھوجتی رہی آنکھیں


ہونٹ آنکھوں پہ رکھ دئے اس نے
اور پھر بولتی رہی آنکھیں


خواب آنکھوں میں سو گئے لیکن
رات بھر جاگتی رہی آنکھیں


آنکھوں آنکھوں میں کیا کہا اس نے
دیر تک سوچتی رہی آنکھیں


اس کی گہری سی جھیل آنکھوں میں
ڈولتی ڈوبتی رہی آنکھیں


جانے کیا دیکھنے کی حسرت ہے
جانے کیا دیکھتی رہی آنکھیں


جھوٹ پر جھوٹ بولتی ہی رہی
سچ مگر بولتی رہی آنکھیں


دور تک دیکھتے رہے اس کو
دیر تک بھیگتی رہی آنکھیں


وہ الجھتے رہے تبسمؔ سے
اور دکھ جھیلتی رہی آنکھیں


جہاں آرا تبسم سے متعلقہ

سرنگوں سارا جہاں ہے مامتا کے سامنے

اک لمحۂ وصال سے آگے نکل گئی

تھی کہاں جرأت کسی میں ہاں مگر اس نے کیا

خواہش وصل تو بیکار نہیں کر سکتا

نیند میری ہے خواب لوگوں کے

دل مرا لوٹ گیا وہ بڑی توقیر کے ساتھ

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن