1. صفحۂ اول
  2. قومی زبان
  3. شاعری
  4. سانس چڑھتی ہوئی اترتی ہوئی

سانس چڑھتی ہوئی اترتی ہوئی

سانس چڑھتی ہوئی اترتی ہوئی
زندگی ٹوٹتی بکھرتی ہوئی


ہر طرف موت ہی کی دستک ہے
دل کی آواز کیوں ہے مرتی ہوئی


گہری تاریکیوں میں جگنو سی
آنکھ کھلتی ہے اپنی ڈرتی ہوئی


کلمۂ حق لبوں پہ جاری رکھ
روشنی سی ہو کچھ ابھرتی ہوئی


کیا قیامت کا دن نکل آیا
جلتے سورج سے گرم دھرتی ہوئی


صبر صورت بھی پھول جیسی ہے
دیکھیے آگ میں نکھرتی ہوئی


اک تجلی ضرور آئے گی
دھند کے پھیلے پر کترتی ہوئی


پیاری پیاری سی بات الفت کی
فکر کے سارے زخم بھرتی ہوئی


اشہد کریم الفت سے متعلقہ

کتنی مجبور ہے مت پوچھئے حالت میری

ہر صدا سوئے فلک عرش سے ٹکراتی ہے

زندگی باندھی گئی ہے جب ہوا کی ڈور سے

آپ ناراض ہیں اور ہم بھی تو شرمندہ ہیں

عجیب شخص ہے تیور ہے باغیانہ سا

اک دیا جل رہا ہے ہوا تیز ہے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن