کیسا خزانہ یہ تو زاد سفر نہیں رکھتی خانہ بدوش محبت کوئی گھر نہیں رکھتی یادوں کے بستر پر تیری خوشبو کاڑھوں اس کے سوا تو اور میں کوئی ہنر نہیں رکھتی کوئی بھی آواز اس کی آہٹ نہیں ہوتی کوئی بھی خوشبو اس کا پیکر نہیں رکھتی میں جنگل ہوں اور اپنی تنہائی پر خوش میری جڑیں زمین میں ہیں ...
نمو کے عرفاں سے بے خبر ہوں کہ لالۂ دشت بے شجر ہوں یہ زرد پھولوں کے کنج دیکھو یہاں بھی آؤ کہ میں ادھر ہوں وہ پھول ہے شاخ پر رہے گا میں اس کی خوشبو ہوں در بدر ہوں وہ زندگی کی سزا کا لمحہ اس ایک لمحے کا میں ثمر ہوں مجھے اٹھانے کا حق ہے کس کو کہ اپنی تربت پہ نوحہ گر ہوں وہ کج کلاہوں ...
کب تک پھرنا غاروں اور گپھاؤں میں آؤ واپس لوٹ چلیں اب گاؤں میں صحرا میں اک ریت محل تعمیر کریں سکھ سے بیٹھیں انگوروں کی چھاؤں میں روح بھٹکتی ہے باغی شہزادی کی سنتے ہیں ان خالی محل سراؤں میں مجھ میں چھٹی حس جاگی تازہ مٹی کی طغیانی ہے پھر پانچوں دریاؤں میں گیا تو سردار کے باغ میں ...
یہ نہیں غم کہ میں پابند غم دوراں تھی رنج یہ ہے کہ مری ذات مرا زنداں تھی صبح سے آئینہ چھوتے ہوئے ڈر لگتا ہے رات ہی خواب میں دیکھا تھا کہ مانگ افشاں تھی سوکھتی جاتی ہے اب ڈھلتی ہوئی عمر کے ساتھ باڑھ مہندی کی جو دروازے پہ اپنے ہاں تھی شمعیں اور سائے سے دیکھے گئے طوفان کی رات اس ...
پرانے محلے کا سنسان آنگن مجھے پا کے تھا کتنا حیران آنگن یہ تہذیب کو پاؤں چلنا سکھائیں سمیٹے ہیں صدیوں کے امکان آنگن وہ دیوار سے جھانکتی شوخ آنکھیں وہ پہرے پہ بوڑھا نگہبان آنگن کوئی جست میں پار کرتا ہے چوکھٹ کسی کے لئے اک بیابان آنگن کسی کے لئے پایۂ تخت ہے یہ کسی کے لئے ایک ...
تم سے بھی بات چیت ہو دل سے بھی گفتگو رہے خواب و خبر کا سلسلہ یونہی کبھو کبھو رہے درد بھی ہاتھ تھام لے زخم بھی بولنے لگیں یعنی نہال شاخ غم ایسے ہی با نمو رہے عشق میں احتیاط ہی گویا ہے پاس وضع عشق چاک ہوں صد ہزار اور دامن دل رفو رہے تو جو نہیں تو میں نہیں میں جو نہیں تو تو ...
گر یہ طے ہے جو کچھ بھی ہوا پہلے سے لکھا تھا قسمت میں پھر تم نے جتنا ظلم کیا اور ہم نے جتنا صبر کیا وہ کس کھاتے میں جائے گا مجبور محض ہیں جب ہم سب پھر عدل کی صورت ہے کوئی یہ جنت دوزخ جزا سزا ان سب کی ضرورت ہے کوئی
میں اور آدم وہاں پرانے پیڑ کے نیچے روز اکٹھا ہوتے تھے وہ لکڑی سے پہیے اور شہتیر بنایا کرتا تھا میں پیڑوں اور پھولوں سے رنگ کشید کیا کرتی تھی پھر ہم دونوں نے مل کر اک پیشہ ایجاد کیا اور ایک قبیلہ جنم دیا جب سے اب تک ہم کو ایک نسب نامے کی ضرورت ہے
لڑکیاں ماؤں جیسے مقدر کیوں رکھتی ہیں تن صحرا اور آنکھ سمندر کیوں رکھتی ہیں عورتیں اپنے دکھ کی وراثت کس کو دیں گی صندوقوں میں بند یہ زیور کیوں رکھتی ہیں وہ جو آپ ہی پوجی جانے کے لائق تھیں چمپا سی پوروں میں پتھر کیوں رکھتی ہیں وہ جو رہی ہیں خالی پیٹ اور ننگے پاؤں بچا بچا کر سر کی ...
عداوتیں نصیب ہو کے رہ گئیں محبتیں رقیب ہو کے رہ گئیں پرند ہیں نہ آنگنوں میں پیڑ ہیں یہ بستیاں عجیب ہو کے رہ گئیں ترس رہی ہیں یوں بہار کو رتیں غریب کا نصیب ہو کے رہ گئیں بس ایک پل دھنک کی ساری شوخیاں مرے بہت قریب ہو کے رہ گئیں مرے دکھوں کا ذکر شہر شہر ہے اداسیاں نقیب ہو کے رہ ...