چاند تالاب کے کٹورے میں رات بھر کھیلتا ہے پانی سے جل پری کانچ کا بدن پہنے اس سے ملنے کو روز آتی ہے تتلی خوشبو پہ رقص کرتی ہے سبز ریشم پہ پھول کھلتے ہیں پھول خوشبو کا بانکپن اوڑھے پنکھڑی پنکھڑی بکھرتے ہیں جھاڑیوں کے قریب راہوں پر جگنوؤں کے چراغ جلتے ہیں سات تاروں کے رتھ میں ہو کے ...
چہرے کی تب و تاب میں کوند لپکے آنکھوں میں حسین رات پلکیں جھپکے احساس کی انگلیاں جو چھو لیں ان کو بھیگے ہوئے انفاس سے امرت ٹپکے
شالوں کے بھنور مچل رہے ہوں جیسے انوار شفق پگھل رہے ہوں جیسے یوں لوریاں گاتا ہے ان آنکھوں میں شباب مندر میں چراغ چل رہے ہوں جیسے
جب اہل گلستاں کو شعور آئے گا جب دیدۂ حساس میں نور آئے گا پھولوں کی لطافت بھی گراں گزرے گی کانٹوں کی چبھن میں بھی سرور آئے گا
جو محرم گل زار جہاں ہوتے ہیں وہ اپنی لطافت کو کہاں کھوتے ہیں ہنسنا ہو اگر ہنستے ہیں غنچے کی طرح روتے ہیں تو شبنم کی طرح روتے ہیں
ماحول سے ظلمت کی ردا ہٹتی ہے اک دھند سی تا حد نظر چھٹتی ہے لہرا کے بھرے جسم کو وہ جان بہار ہنستی ہے تو آکاش پہ پو پھٹتی ہے
تا حد نظر دمک رہے ہیں ذرے صد شعلہ بجاں دہک رہے ہیں ذرے مژدہ کہ مہ و مہر کے ایوانوں پر کوندوں کی طرح لپک رہے ہیں ذرے
وہ ایک عام سی لڑکی ہے دیکھ کر جس کو نہ جانے کیوں مجھے ایسا خیال آتا ہے کہ اس کے ہنسنے کا انداز یہ بتاتا ہے ہوئی نہیں ہے غم دل سے رسم و راہ ابھی پڑی نہیں ہے کوئی چوٹ ابھی رگ جاں پر کسی نگاہ سے الجھی نہیں نگاہ ابھی وہ ایک عام سی لڑکی اک ایسا جذبہ ہے ملی نہیں جسے الفاظ میں پناہ ابھی وہ ...
یہ کیسی تیرگی سی آ گئی ہے چاند تاروں میں زمیں زادے تماشا دیکھنے آئے قطاروں میں مرے گاؤں کے کچے راستے میں دھول اڑتی ہے تمہارے شہر کے بچے پلے ہیں سبزہ زاروں میں جٹائیں آنکھ پہ ڈالے کوئی برگد یہ کہتا تھا مری شاخوں کے غنچے اب کھلیں گے کن بہاروں میں ہمارے شہر میں کچھ نوجواں ایسے ...
انتقام غم و الم لیں گے زندگی کو بدل کے دم لیں گے مر گئے تو فضائے گیتی کے ذرے ذرے میں ہم جنم لیں گے