1. صفحۂ اول
  2. قومی زبان
  3. شاعری
  4. لہرا رہی ہیں کھیت میں گندم کی بالیاں

لہرا رہی ہیں کھیت میں گندم کی بالیاں

لہرا رہی ہیں کھیت میں گندم کی بالیاں
اور پہرے پر بجوکے ہیں لے کر دو نالیاں


روئے سخن ہے اس کا خریدار کی طرف
قصاب دے رہا ہے جو بلی کو گالیاں


خنجر اتار دے گا جمورے کے پیٹ میں
بوڑھے جوان بچے بجائیں گے تالیاں


جوتے نکالتی ہیں ادب سے طوائفیں
لیکن پھٹے جرابوں پہ ہنستی ہیں سالیاں


بوٹا سا تن تھا پہلو میں اور کنڈلی مار کے
سینے پہ سانپ جیسی تھیں باہوں کی ڈالیاں


اتری تمام رات مرے تن کی آرتی
مہندی لگے وہ ہاتھ تھے پھولوں کی ڈالیاں


واللہ عقیدت آج بھی ہے میرا سین سے
ہم کو بہت پسند ہیں بنگال والیاں


لونڈوں کی ٹھوڑیوں پہ جو سبزہ اگا شفقؔ
کس کام کی رہی ہیں یہ چہروں کی لالیاں


شفق سوپوری سے متعلقہ

یہ عشق بھی عجیب ہے اک آن ہو گیا

برنجی پاؤں میں اس کے چبھی ہے

پہلے باتیں پیاری پیاری کرتا ہے

زندگی چونچلے نہ کر ہم سے

اب اس قدر بھی بدل جائے گا خبر نہیں تھی

میں نے دھڑکن سنی شجر کی رات

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن