1. صفحۂ اول
  2. قومی زبان
  3. شاعری
  4. کیا غرض اس سے کسی کو کتنا ہے دلگیر کون

کیا غرض اس سے کسی کو کتنا ہے دلگیر کون

کیا غرض اس سے کسی کو کتنا ہے دلگیر کون
دیکھنا ہے یہ پہن کر مر گیا زنجیر کون


لوگ شرماتے ہیں کیوں سر پر اسے رکھتے ہوئے
لے گیا ہے چھین کر دستار کی توقیر کون


پیٹ کی مجبوریاں فن کار تک بھی آ گئیں
ورنہ دلبر کی بنا کر بیچتا تصویر کون


میری آنکھوں کے دریچے خون میں تر ہو گئے
خون میں تر خواب کی بتلائے گا تعبیر کون


اس فرشتوں کے جہاں میں صرف میں انسان ہوں
ہوتا پھر میرے علاوہ قائل تقصیر کون


ہر کسی کو دسترس ہے گردش ایام تک
موت کے اندھے سفر کی کھینچتا تصویر کون


کس کو فرصت ہے یہاں خود احتسابی کے لئے
دیکھتا ہے جانؔ اپنی آنکھ کا شہتیر کون


جان کاشمیری سے متعلقہ

محبتوں کے پلے کیسے نفرتوں میں ڈھلے

سیراب ہو کبھی یہ خلاف قیاس ہے

اس صفائی سے مری بات کا پہلو کاٹے

کس کی محنت کے یہ شہکار نظر آتے ہیں

دبا جو راکھ کی تہہ میں شرر نہ ختم ہوا

طوفان سے ٹکرانا اس کا تو وطیرہ ہے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن