1. صفحۂ اول
  2. قومی زبان
  3. شاعری
  4. دبا جو راکھ کی تہہ میں شرر نہ ختم ہوا

دبا جو راکھ کی تہہ میں شرر نہ ختم ہوا

دبا جو راکھ کی تہہ میں شرر نہ ختم ہوا
بھڑک اٹھے گا دباؤ اگر نہ ختم ہوا


لرز رہے ہیں مسافر کے رونگٹے اب تک
پناہ گہہ میں بھی لٹنے کا ڈر نہ ختم ہوا


ملیں جو راہ میں دیکھیں نہ آنکھ بھر کر ہم
گھٹا ہے ربط مگر اس قدر نہ ختم ہوا


رچا ہوا ہے تجسس کا سم فضاؤں میں
عجب فسانہ تھا انجام پر نہ ختم ہوا


ہر ایک سمت سے پھوٹ آئی ہیں نئی شاخیں
تنے کے کٹنے سے نام شجر نہ ختم ہوا


اٹھا کے دوست مجھے چل دئے ہیں کاندھوں پر
حیات ختم ہوئی پر سفر نہ ختم ہوا


فصیل جبر میں دیکھے اسی کے سپنے جانؔ
کسی بھی حال میں ذوق نظر نہ ختم ہوا


جان کاشمیری سے متعلقہ

محبتوں کے پلے کیسے نفرتوں میں ڈھلے

سیراب ہو کبھی یہ خلاف قیاس ہے

کیا غرض اس سے کسی کو کتنا ہے دلگیر کون

اس صفائی سے مری بات کا پہلو کاٹے

کس کی محنت کے یہ شہکار نظر آتے ہیں

طوفان سے ٹکرانا اس کا تو وطیرہ ہے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن