1. صفحۂ اول
  2. قومی زبان
  3. شاعری
  4. کسی کی چشم سادہ یاد آئی

کسی کی چشم سادہ یاد آئی

کسی کی چشم سادہ یاد آئی
حریف جام و بادہ یاد آئی


ہوئی ہر عافیت مدفون جس میں
وہ دیوار فتادہ یاد آئی


سواد دیر و کعبہ میں پہنچ کر
تری محفل زیادہ یاد آئی


کسی کو بے تمنا بھول بیٹھے
کسی کی بے ارادہ یاد آئی


زمانے سے ہوا دل تنگ جب بھی
وہ آغوش کشادہ یاد آئی


کبھی تجھ کو بھی اے صحبت فراموش
بہار جان دادہ یاد آئی


جو منزل چھوڑ کر آئے ہیں شوکتؔ
وہی جادہ بہ جادہ یاد آئی


شوکت واسطی سے متعلقہ

کوئی ملنے کو نہ صورت جانی پہچانی بڑھی

اس لئے میں جرم مے نوشی پر آمادہ نہ تھا

میں چلا جاؤں گا رہ جائے گا افسانہ مرا

دھڑکن سا کوئی دل میں سوا بول رہا ہے

پھول سے ڈھلکا ہوا اوس کا قطرہ ہوں میں

نہ ساتھ خوش تھا بچھڑ کے وہ کچھ اداس تو ہے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن