1. صفحۂ اول
  2. قومی زبان
  3. شاعری
  4. جسم کو جاں کا سرا پردۂ رعنائی کر

جسم کو جاں کا سرا پردۂ رعنائی کر

جسم کو جاں کا سرا پردۂ رعنائی کر
سائے کو دھوپ میں پھیلا کے نہ ہرجائی کر


فکر کو ذہن کی دیوار پہ تصویر بنا
آنکھ کو مدح سرا دل کو تماشائی کر


ہیں تری ذات میں بھی بو قلموں ہنگامے
تو اسے صرف تماشہ گہۂ تنہائی کر


شہر اور شہر ترا نام نکلتا جائے
اے ستم گر مری بھی کھول کے رسوائی کر


عین ممکن ہے کہ ہو جائے یہی سجدہ قبول
اپنی دہلیز پہ اب ناصیہ فرسائی کر


مرنے والوں کو جلانے کا تکلف کیا ہے
جیتے جی مر گئے جو ان کی مسیحائی کر


شوکتؔ اب آنسوؤں میں بھیگ رہی ہے آواز
درد بہنے لگا ہے زمزمہ آرائی کر


شوکت واسطی سے متعلقہ

کوئی ملنے کو نہ صورت جانی پہچانی بڑھی

اس لئے میں جرم مے نوشی پر آمادہ نہ تھا

میں چلا جاؤں گا رہ جائے گا افسانہ مرا

دھڑکن سا کوئی دل میں سوا بول رہا ہے

پھول سے ڈھلکا ہوا اوس کا قطرہ ہوں میں

نہ ساتھ خوش تھا بچھڑ کے وہ کچھ اداس تو ہے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن