اک چراغاں رات بھر پانی پہ ہے

اک چراغاں رات بھر پانی پہ ہے
روشنی کا اک نگر پانی پہ ہے


عکس ڈھلتی شب کے رنگ و نور کا
جاذب قلب و نظر پانی پہ ہے


چھیڑتی ہے راگنی پتوار کیا
ایک نغمہ سربسر پانی پہ ہے


چاند کی اٹکھیلیاں لہروں کے ساتھ
کھیل جاری رات بھر پانی پہ ہے


کشتیاں ان کی سونامی لے گئی
جن غریبوں کا بسر پانی پہ ہے


ایک مٹھی خاک انجام حیات
استھیوں کا پھر سفر پانی پہ ہے


کیا خبر کب ڈوب جائے زندگی
ہم حبابوں کا سفر پانی پہ ہے


کیا خبر کب موج طوفاں دے اچھال
نازلیؔ تیرا بھی گھر پانی پہ ہے