1. صفحۂ اول
  2. قومی زبان
  3. شاعری
  4. دل مضمحل ہے ان کے خیالوں کے باوجود

دل مضمحل ہے ان کے خیالوں کے باوجود

دل مضمحل ہے ان کے خیالوں کے باوجود
اک سیل تیرگی ہے اجالوں کے باوجود


اللہ ری عارفانہ تجاہل کی شوخیاں
سمجھے نہ میرا حال مثالوں کے باوجود


بدلا نہ چشم شوق کا کوئی بھی زاویہ
بگڑے ہوئے زمانے کی چالوں کے باوجود


وارفتگئ شوق عجب تازیانہ تھی
بڑھنا پڑا ہے پاؤں کو چھالوں کے باوجود


ان کی وفا پہ آج بھی ایمان ہے مرا
اے وہم تیرے صدہا سوالوں کے باوجود


یہ کون سا مقام ہے اے زعم آگہی
کچھ سوجھتا نہیں ہے اجالوں کے باوجود


کم ہو سکا نہ مرتبۂ بے خودیٔ شوق
عقل و خرد کے صدہا کمالوں کے باوجود


عشق اک خیال خام ہے ان کے خیال میں
قادرؔ کے ایسے چاہنے والوں کے باوجود


قادر صدیقی سے متعلقہ

حق وفاؤں کا جفاؤں سے ادا کرتے ہیں لوگ

سوچو تو قیامت ہے چھلاوا ہے بلا ہے

پیار کا آج چلن دوستو دشوار ہے کیوں

غم گناہ سے فکر نجات سے الجھے

رفتہ رفتہ دل میں اک الجھن نئی پاتے ہیں ہم

گیا وہ دور تو خوابوں کے سلسلے بھی گئے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن