دل مست ہے لطف نگہ ناز تو دیکھو

دل مست ہے لطف نگہ ناز تو دیکھو
ہے کتنا حسیں عشق کا آغاز تو دیکھو


کتنی کشش انگیز ہے آواز تو دیکھو
کتنا ہے حسیں حسن کا اعجاز تو دیکھو


بجلی ہے کہ سینے میں مرے شعلۂ دل ہے
اس کی نگہ ناز کا اعجاز تو دیکھو


مسرور ہے سرمایۂ ہستی کو مٹا کر
یہ حوصلۂ عاشق جانباز تو دیکھو


عاشق کے لئے جان تمنا ہے ہر اک لفظ
اس کے لب رنگیں کا یہ اعجاز تو دیکھو


دل لے لیا اس کی نگہ ناز نے اسلمؔ
اک سحر سراپا ہے وہ انداز تو دیکھو