چلی ہے یہ کیسی ہوا خوب صورت

چلی ہے یہ کیسی ہوا خوب صورت
کہ دل کا یہ موسم ہوا خوب صورت


یہ دنیا بنائی ہے کیا خوب صورت
کہ خود ہوگا کتنا خدا خوب صورت


گھڑی دو گھڑی ہی جلا ہے دیا
ہاں لیکن جلا ہے دیا خوب صورت


کہانی محبت کی کچھ بھی نہیں
بناتی ہے اس کو وفا خوب صورت


کس کی طرف یہ نظر اٹھ گئی
یہ کس کا ہے چہرہ نیا خوب صورت


وہ آئیں تو بیمار اچھا بھی ہو
مرض خوب صورت دوا خوب صورت


پڑی جو نظر چاند پر دفعتاً
مرے لب پہ آئی دعا خوب صورت