1. صفحۂ اول
  2. قومی زبان
  3. شاعری
  4. بتو کچھ حد بھی ہے جور و جفا کی

بتو کچھ حد بھی ہے جور و جفا کی

بتو کچھ حد بھی ہے جور و جفا کی
ہے آخر انتہا ہر ابتدا کی


جگہ کیا ہو ان آنکھوں میں حیا کی
بھری ہو جن میں شوخی انتہا کی


شب غم آنے میں کرتی ہے غمزے
ادا بھاتی نہیں مجھ کو قضا کی


مرا دل لے کے اب مجھ پر یہ ظلم آہ
دغا کی تو نے او ظالم دغا کی


مزا ہے مے کشی کا ابر میں آج
فلک پرچھائی ہے رحمت خدا کی
بتوں کی مہربانی کیا کرم کیا
عنایت چاہئے مجھ پر خدا کی


تجھے او بے وفا چاہا ہوئی چوک
تجھے دل نے دیا میں نے خطا کی


یہ کیوں اڑتا ہے چہرے کا مرے رنگ
ہوئی کس شوخ کو حاجت حنا کی


وہ لیں گے جان بھی واں لے کے اک دن
خبر تھی ابتدا میں انتہا کی


چلا دل کوچۂ گیسو کو جس دم
دعا کی پڑھ کے دم رد بلا کی


گئے تھے وہ جہاں ہم ڈھونڈھ لیتے
مدد ملتی جو ان کے نقش پا کی


دل مضطر کی کچھ حالت نہ پوچھو
تڑپ بجلی میں ہے آج انتہا کی


جب آتے ہیں چڑھا جاتے ہیں دو پھول
وہ تربت پر فہیمؔ مبتلا کی


فہیم گورکھپوری سے متعلقہ

ہر دم بتائے جاتے ہیں ہم بے وفا نہیں

اشک آنکھوں میں جگر میں درد سوزش دل میں ہے

تڑپیں کب تک تری فرقت میں محبت والے

کیوں کہوں میں کہ ستم کا میں سزاوار نہ تھا

رہے ہمارے لئے شغل یاں کوئی نہ کوئی

یہ سچ ہے ان میں یہ باتیں تو ہاں ہیں

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن