1. صفحۂ اول
  2. قومی زبان
  3. شاعری
  4. بصیرت سے ابھی محروم ہیں سب

بصیرت سے ابھی محروم ہیں سب

بصیرت سے ابھی محروم ہیں سب
مناظر شہر کے معصوم ہیں سب


کوئی ملتا نہیں ہنس کر کسی سے
نہ جانے کس لئے مغموم ہیں سب


گرہ کھولو نہ اپنی گمرہی کی
ہمیں یہ راستے معلوم ہیں سب


کہاں تک وسعتیں ٹانکوں زمیں پر
نشان آرزو معدوم ہیں سب


جنہیں روشن دھندلکے کہہ رہے ہو
ہمارے عہد کا مقسوم ہیں سب


میں کس کو آئنہ سمجھوں یقیں کا
نقوش آگہی موہوم ہیں سب


یہ تم بتلاؤ ظالم کون ٹھہرے
سر بزم طلب مظلوم ہیں سب


کسے پروازؔ خود سے دور سمجھوں
مرے ادراک کا مفہوم ہیں سب


نصیر پرواز سے متعلقہ

میں حجاب گماں تو حجاب یقیں

آرزو سلگتی ہے ہو کے مس ہواؤں سے

میں ایک ٹوٹی ہوئی ذات لے کے آیا ہوں

خوابوں کی وادیوں میں دلوں کو پھرائے ہے

زندگی کو نا مرادی سے کوئی شکوہ نہیں

آتشیں سیلاب میں جب روح ڈالی جائے گی

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن