ہوش و خرد سے بیگانہ بن جا ہر فصل گل میں دیوانہ بن جا آ دل کی بستی آباد کر دے اک شب چراغ ویرانہ بن جا خلوت میں کیا ہے جلوت میں گم ہو زندہ حقیقت افسانہ بن جا بے سوز ہے بزم علم و دانش شمع یقیں کا پروانہ بن جا کتنی پیے گا جام و سبو سے مست نگاہ مستانہ بن جا
جب وہ مسرور نظر آتا ہے ہر طرف نور نظر آتا ہے میں تو مے خوار ہوں تو کیوں ساقی نشے میں چور نظر آتا ہے قرب سے ہاتھ اٹھایا میں نے تو بڑی دور نظر آتا ہے میں ہی تنہا نہیں دل کے ہاتھوں تو بھی مجبور نظر آتا ہے خاکساری کو چھپانے کے لئے وجدؔ مغرور نظر آتا ہے
جن کی آنکھوں میں تھا سرور غزل ان غزالوں کی یاد آتی ہے سادگی لا جواب تھی جن کی ان سوالوں کی یاد آتی ہے جانے والے کبھی نہیں آتے جانے والوں کی یاد آتی ہے وجدؔ لطف سخن مبارک ہو با کمالوں کی یاد آتی ہے
خوشی یاد آئی نہ غم یاد آئے محبت کے ناز و نعم یاد آئے یہ کیوں دم بہ دم ہچکیاں آ رہی ہیں کیا یاد تم نے کہ ہم یاد آئے گلوں کی روش دیکھ کر گلستاں میں شہیدوں کے نقش قدم یاد آئے بروں کا بہت نام جپتی ہے دنیا جو اچھے زیادہ تھے کم یاد آئے دم نزع جونہی اجل مسکرائی اچانک تمہارے کرم یاد ...
حسیں یادوں سے خلوت انجمن ہے خموشی نغمہ زار صد سخن ہے نگار گل بدن گل پیرہن ہے دھنک رقصاں چمن اندر چمن ہے مری دیوانگی پر ہنسنے والو یہاں فرزانگی دیوانہ پن ہے مبارک رہرو راہ تمنا وطن غربت میں ہے غربت وطن ہے ڈرا سکتے نہیں خونیں اندھیرے نگاہ بے دلاں ظلمت شکن ہے خوشی ارزاں ہے ...