وہ ہوا کا مزاج رکھتے ہیں ہم چراغوں کی طرح جلتے ہیں اس کی قدرت کو دیکھ کر یارو ہم بھی ایمان اس پہ رکھتے ہیں جھوم کر تو اٹھے ہیں یہ بادل دیکھیے اب کہاں برستے ہیں ساری بے رنگ سوچ کے چہرے لفظ پہنیں تو پھر نکھرتے ہیں کیا خبر تھی ہمیں کہ لوگوں کی آستینوں میں سانپ پلتے ہیں
بات کریں یوں منہ نہ کھولیں دل کی باتیں آنکھیں بولیں کیسے تنہا رات کٹے گی یادوں کی گٹھری ہی کھولیں بہت جئے اوروں کی خاطر اب تو کچھ اپنے بھی ہو لیں خوابوں کے کچھ بیج چنے ہیں آنکھوں کے کھیتوں میں بو لیں ہر لمحہ اک بوجھ لگے ہے جیسے بھی ڈھونا ہو ڈھو لیں
رنج و غم سے جو بے خبر ہوتا کاش ایسا بھی کوئی گھر ہوتا سنگ باری کا غم نہیں ہے مگر ایک پتھر کو ایک سر ہوتا اس بلندی سے گر کے رسوا ہوں اچھا ہوتا زمین پر ہوتا اس کی لاٹھی ہے بے صدا یارو کاش اس بات کا بھی ڈر ہوتا یہ ضلالت نہ جھیلنی پڑتی با ہنر سے جو بے ہنر ہوتا
پھول سا اک کھلا ہے آنکھوں میں کس کا چہرہ بسا ہے آنکھوں میں تم کو آنسو نظر نہیں آتا یاں سمندر چھپا ہے آنکھوں میں آ کے چہرے پہ جم گیا آنسو بن کے موتی رہا ہے آنکھوں میں اس کو دیکھا تو یوں ہوا محسوس اک چمن بھر لیا ہے آنکھوں میں نیند یوں اڑ گئی کہ لگتا ہے کوئی کانٹا چبھا ہے آنکھوں ...
دل دھڑکنے کا سبب کیا ہوگا پھر تجھے خواب میں دیکھا ہوگا پھول کے چہرے یہ شبنم کیسی آسماں رات میں رویا ہوگا جس نے خوابوں میں سمندر دیکھے اس کی تقدیر میں صحرا ہوگا تجھ سے بچھڑا تو گماں ہوتا ہے جانے کیا میں نے گنوایا ہوگا
اس کی پہلے سے تھی نظر شاید جس کی مجھ کو خبر نہ تھی شاید گونگا آنگن ہے بہری دیواریں یہ خرابہ ہے اپنا گھر شاید چل کے کچھ دور رک گئے ہیں وہ نہ ملا مجھ سا ہم سفر شاید ہجر کی رات اتنی لمبی ہے جیسے ہوگی نہ اب سحر شاید رنگ تیرا اڑا اڑا سا ہے لگ گئی ہے تجھے نظر شاید
سردی گرمی برکھا تینوں ایک ساتھ ہی بستے ہیں تیرے بدن میں وہ جادو ہے سارے موسم رہتے ہیں تیرے میرے بیچ نہیں ہے خون کا رشتہ پھر بھی کیوں تیری آنکھ کے سارے آنسو میری آنکھ سے بہتے ہیں ایک زمانہ بیتا تیرے پیار کے جنگل سے نکلے یاد کے سانپ تو تنہائی میں آج بھی مجھ کو ڈستے ہیں وعدہ کر کے ...
اول غزل عبادت کی اس کے بعد شرارت کی مجھ کو یاد رہا تو بھولا بات ہے یہ تو عادت کی اس سے مل کر اور بڑھی ہے پیاس بجھی نہ چاہت کی دن بھر دکھ کے پتھر کاٹے رات ملی نہ راحت کی مجھ کو بھولنے والے تو نے مجھ پہ بڑی عنایت کی