آپ تو رات سو لیے صاحب ہم نے تکیے بھگو لیے صاحب درد کی دھول غم کی باد سموم گھر کا دروازہ کھولیے صاحب اس کے دامن کو چھو کے آئے ہیں ہم کو پھولوں میں تولیے صاحب تلخیوں کا مزاج بدلے گا زہر میں قند گھولیے صاحب دیکھیے خود کو میرے چہرے میں عکس شیشے میں تولیے صاحب ہم بھی منہ میں زبان ...
خموشی کو جھنجھوڑا جا رہا ہے ہوا میں تیر چھوڑا جا رہا ہے تری تصویر کے ہیں رنگ پیاسے بہاروں کو نچوڑا جا رہا ہے بنا کر دائرے انگڑائیوں کے حصار خواب توڑا جا رہا ہے پرانی داستانوں کا تعلق نئے قصوں سے جوڑا جا رہا ہے یوں ہی ارزاں نہیں ہیں یہ کتابیں ہمارا ذہن موڑا جا رہا ہے
چہرے جب دل کی سیاہی کا پتا دیتے ہیں لوگ آئینے مقابل سے ہٹا دیتے ہیں حوصلے حسن خودی اور بڑھا دیتے ہیں پتھرو آؤ کہ آئینے صدا دیتے ہیں آپ جس شہر کے قاتل تھے اسی شہر کے لوگ جانے کیوں آپ کو جینے کی دعا دیتے ہیں موجؔ افکار میں ڈوبے ہوئے میرے اشعار کم سے کم ان کو تو آئینہ دکھا دیتے ...
دشمنی ہے نہ کہیں یاری ہے جینے والے تری فن کاری ہے محو حیرت سماعتیں ہیں ابھی خامشی کا بیان جاری ہے کچھ تو ہم عکس ہیں آئینے بھی اور کچھ اپنی اداکاری ہے چہرگی چپ ہے خد و خال خموش آئینوں پر سکوت طاری ہے آج کل داد سخن دینا بھی موجؔ غالبؔ کی طرف داری ہے
دور تک راہ میں کانٹے ہیں بہت میرے بھی چاہنے والے ہیں بہت گھر سے نکلو نہ بدل کر چہرے شہر میں آئینہ خانے ہیں بہت کیا چھپیں خوشبوئیں رسوائی کی پیار کے پھول مہکتے ہیں بہت اور کچھ بھی نہیں اپنے بس میں یاد کر کے تجھے روتے ہیں بہت تو بھی تنہا ہے بچھڑ کر ہم سے ہم بھی اے دوست اکیلے ہیں ...