زندگی بیمار ہو کر رہ گئی سایۂ دیوار ہو کر رہ گئی کون گائے گا بجائے گا اسے شاعری اخبار ہو کر رہ گئی زخم جب بھی مندمل ہونے لگے گل مکھی انگار ہو کر رہ گئی جس میں تیری آنکھ کے آنسو بہے وہ ندی شہکار ہو کر رہ گئی کس قدر پہلو ہیں خوشترؔ بات میں ہر کلی گلزار ہو کر رہ گئی
مری آواز کو پہچان لے گا وہ اپنے راز کو پہچان لے گا نہیں مانے گا راوی کے حوالے ترے انداز کو پہچان لے گا مٹا دے گا ہر اک آزاد تن کو وہ جب بھی کاز کو پہچان لے گا وہ دنیا کا نکما آدمی ہے کہاں اعجاز کو پہچان لے گا چلے گا جب قلم کاغذ پہ خوشترؔ غزل کے ساز کو پہچان لے گا
سانس کی برسات میری زندگی دھوپ ہے نہ رات میری زندگی بندگی کے واسطے مختص ہوئے ہیں وہی لمحات میری زندگی آتے جاتے موسموں کی دھڑکنیں عالمی خدمات میری زندگی دیکھیے خود آپ کے منظر تلک اپنے محسوسات میری زندگی روشنی خوشبو ہوا خوشترؔ فضا پیار کی سوغات میری زندگی
دیکھ لی اس کی ذہانت دیکھ لی جھوٹ ہے کتنی صداقت دیکھ لی ایک جانب دیکھتا ہے رات دن اور کہتا ہے حقیقت دیکھ لی ڈوبتے رہتے ہیں سائے آپ میں آپ کی میں نے ضرورت دیکھ لی خامشی کا خول ٹوٹے گا کہیں باطنی باہر کی رنگت دیکھ لی روشنی رکھتی ہے سانسوں میں دھواں پیار کی خوشترؔ حکومت دیکھ لی