دل کو ملتا نہیں قرار کہیں غم بھی ہوتا ہے سازگار کہیں جب گھٹائیں امڈ کے آتی ہیں بیٹھ جاتے ہیں بادہ خوار کہیں موسم گل میں ابر باراں میں دل پہ رہتا ہے اختیار کہیں تیری زلفوں کے پیچ و خم کے نثار گم نہ ہو جائے رہ گزار کہیں بوئے گل کے ہجوم رقصاں میں پر ٹھہرتی نہیں بہار کہیں
آرزوؤں کو اپنی کم نہ کرو جینا چاہو تو کوئی غم نہ کرو ہاتھ آئے خوشی تو خوش ہولو دل ہو غمگیں تو آنکھ نم نہ کرو جیسی مل جائے جس قدر مل جائے پی بھی لو فکر بیش و کم نہ کرو جیسی گزرے گزارتے جاؤ ساز و ساماں کوئی بہم نہ کرو لوگ کہتے پھریں تمہیں کیا کیا آپ اپنے پہ یہ ستم نہ کرو جی میں جو ...
دل یہ امیدوار کس کا ہے کیا کہیں انتظار کس کا ہے پرتو مہر میں خدا جانے روئے صد شعلہ بار کس کا ہے میری آنکھوں کے سامنے یا رب دیدۂ اشک بار کس کا ہے خاک پروانہ لے اڑی محفل شمع کو انتظار کس کا ہے آج دیوانگی فزوں تر ہے یہ غم انتظار کس کا ہے
شمع کی لو میں کچھ دھواں سا ہے کوئی پھر آج بد گماں سا ہے چاک داماں ہے آج بیتابی تیرے آنے کا کچھ گماں سا ہے آؤ اس دل میں آن کر دیکھیں آرزوؤں کا اک جہاں سا ہے کہنے سننے کی بات ہو تو کہیں حال تم پر تو سب عیاں سا ہے ٹھہرو ٹھہرو ابھی سے صبح کہاں یہ تو پچھلے کا کچھ سماں سا ہے
کارواں آتے ہیں اور آ کے چلے جاتے ہیں ایک ہم ہیں کہ اسی سمت تکے جاتے ہیں دن گزرتے ہیں مہ و سال گزر جاتے ہیں وقت کے پاؤں بھی چل چل کے تھکے جاتے ہیں جانے آواز جرس ہے کہ صدائے صحرا ایک آواز سی سنتے ہیں سنے جاتے ہیں غم نے کروٹ کبھی بدلی تھی مگر آج تلک دل کے آغوش میں کانٹے سے چبھے جاتے ...
ہم آگہی کو روتے ہیں اور آگہی ہمیں وارفتگئ شوق کہاں لے چلی ہمیں لیتی گئی تھی ہم سے صبا ذوق دلبری دیتی گئی تھی لذت بے رہروی ہمیں ان کے غرور و غمزہ و ناز و ادا کی خیر راس آ چلی تھی رسم و رہ عاشقی ہمیں ہم ذرہ ذرہ ڈھونڈ چکے موجۂ سراب اور قطرہ قطرہ ڈھونڈ چکی تشنگی ہمیں آئی تھی چند ...
یاد اس کی کہاں بھلا دی ہے ہم نے آواز بارہا دی ہے لو سی پھر دے اٹھے ہیں زخم جگر پھر کسی نے مجھے صدا دی ہے دینے والے نے تیرا غم دے کر ہائے کتنی بڑی سزا دی ہے اب تو آ جاؤ رسم دنیا کی میں نے دیوار بھی گرا دی ہے آؤ آؤ قریب سے دیکھو زندگی آنسوؤں کی وادی ہے
ایک مدت سے درد کم کم ہے جانے کس بات کا مجھے غم ہے جانے کیوں دل کو بے قراری ہے جانے کیوں آج آنکھ پر نم ہے وسعت تشنگی ہے بے پایاں اور پینے کو صرف شبنم ہے تیری آنکھوں کو چوم لوں لیکن کیا کروں دل کا حوصلہ کم ہے حسن کی مملکت بہت محدود عشق کے ساتھ ایک عالم ہے ساتھ ہوں تیرے اے غم ...
تم سے دیکھے نہ گئے ہم سے دکھائے نہ گئے ہائے وہ زخم جو اس دل سے چھپائے نہ گئے کر لیا یوں تو ہر اک رنج گوارا لیکن آج تک دل سے تری یاد کے سائے نہ گئے ہم نے چاہا بھی نہیں ہم نے بھلایا بھی نہیں دل نے چاہا بھی مگر دل سے بھلائے نہ گئے راہ پر راہ نکلتی گئی کوچہ سے ترے ورنہ اس راہ پہ ہم آپ ...
فتنۂ گردش ایام سے جی ڈرتا ہے سایۂ زلف سیہ فام سے جی ڈرتا ہے دن کے سینے میں دھڑکتے ہوئے لمحوں کی قسم شب کی رفتار سبک گام سے جی ڈرتا ہے وہی تاریک دریچے وہی بے نور شفق پرتو مہر تہی دام سے جی ڈرتا ہے وہی بے وجہ اداسی وہی بے نام خلش رسم راہ دل ناکام سے جی ڈرتا ہے وہی سنسان فضائیں ...