1. صفحۂ اول
  2. قومی زبان
  3. شاعری
  4. ظلمت بہ ہر مقام خلاف طلب ملی

ظلمت بہ ہر مقام خلاف طلب ملی

ظلمت بہ ہر مقام خلاف طلب ملی
دن کا سراغ ڈھونڈنے والوں کو شب ملی


اے دوست تیرے حسن عنایت کی خیر ہو
یہ آگہی ہمیں ترے غم کے سبب ملی


یاد غزل رخاں بھی خیال معاش بھی
آسودگی دیار‌ تمنا میں کب ملی


نکلے تھے تیرگی کے مسلسل فریب سے
جب روشنی ملی تو ہمیں جاں بہ لب ملی


قصہ تری وفا کا ستم روزگار کے
جو شے ہمیں ملی ہے وہی منتخب ملی


فرصت طلب مسائل عصر رواں بھی تھے
لیکن ترے خیال سے فرصت ہی کب ملی


سلطان رشکؔ خود سے شناسائی کے لیے
دیکھیں گے خواب فرصت تعبیر جب ملی


سلطان رشک سے متعلقہ

نفرت جو ہے دل میں لب خنداں میں نہیں ہے

یوں خلاؤں میں نہایت غور سے دیکھا نہ کر

خوشیاں نہ چھوڑ اپنے لیے غم طلب نہ کر

میرے خوش آئند مستقبل کا پیغمبر بھی تو

بڑی دانائی سے انداز عیاری بدلتے ہیں

موسم گل کنج گلشن نکہت گیسو نہ ہو

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن