1. صفحۂ اول
  2. قومی زبان
  3. شاعری
  4. زندگی بس وہ زندگی ہوگی

زندگی بس وہ زندگی ہوگی

زندگی بس وہ زندگی ہوگی
جو کسی ہجر میں کٹی ہوگی


عمر رفتہ کے غم میں کیوں روئیں
تیری دہلیز پر پڑی ہوگی


آپ کی دید اور چشم فقیر
کس قیامت کی وہ گھڑی ہوگی


چاروں جانب سے تیر آ رہے تھے
شست تو آپ نے بھی لی ہوگی


مجھ پہ آوازے کسنے والوں میں
اک نمایاں صدا تری ہوگی


رونق راہ میں نہ گم ہونا
اگلی منزل بہت کڑی ہوگی


دل کی شمعیں جلا رکھو پیارے
آدھ رستے میں رات بھی ہوگی


ہم جسے موت گن رہے ہیں یہاں
دوجے عالم میں زندگی ہوگی


شہزاد واثق سے متعلقہ

تنہائیوں کی رات بڑی دور تک گئی

سرنگوں موسم بہار میں ہے

ایسے مقام تک بھی ترے نارسا گئے

دل و نظر پہ کوئی اختیار بھی تو نہیں

کچھ ازالہ تو کریں آپ بھی تڑپانے کا

موسم آنے پہ شجر بور سے بھر جاتا ہے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن