تو آنکھ کے رستے سے مرے دل میں اتر جا

تو آنکھ کے رستے سے مرے دل میں اتر جا
تو اشک وفا بن کے ان آنکھوں میں ٹھہر جا


مرجھائے ہوئے پھولوں کو اک رنگ نیا دے
الفت کی ادا بن کے تو رستے سے گزر جا


تو میری خزاں شب کے اندھیروں کو کرن دے
خوشبو کی طرح دل میں ہر اک سمت بکھر جا


خاموش ہیں الفاظ مرے ان کو زباں دے
اس زلف سے کہہ دے کسی لمحے تو سنور جا


کچھ اور نہیں دل میں تمنا مگر اے جاں
تو پہلے ہی اک پھول ہے اب اور نکھر جا