شناخت
ایک مقبولیت کی ساعت میں
آئی ہونٹوں پہ اک دعا ایسے
وقت کی وسعتوں سے اے مالک
چند لمحے مجھے عنایت ہوں
ساعتیں وہ جو صرف اپنی ہوں
وہ بھی تنہا ہوں ہم بھی تنہا ہوں
اور وہ آستیں
زمانے میں
میری پہچان بن کے زندہ ہوں
ایسی مقبولیت کا لمحہ تھا
میری پہچان بن کے
وہ لمحے
میری مٹھی میں بند ہیں
لیکن
وقت آگے نکل گیا مجھ سے
اور لمحوں کی قید میں اپنے
میں ہوں تنہا بہت ہی تنہا ہوں
اپنے حرف دعا پہ نادم ہوں
