ستائش نہ کیجئے تبرا سہی
ستائش نہ کیجئے تبرا سہی
نہیں بنت انگور ٹھرا سہی
تأثر نہیں ان کے رخ پر نہ ہو
ہے قرآں تو قرآں معرا سہی
مگر کتنے سورج ہیں دشمن مرے
مری حیثیت ایک ذرہ سہی
کہاں چین تیرے جنوں کار کو
غم دو جہاں سے مبرا سہی
بدن در بدن عشق روح رواں
زماں در زماں ایک ڈھرا سہی
رعونت غریبی کا محصول ہے
سکھی کو سخاوت کا غرا سہی
پئیں گے یونہی ہنس کے ہم زہر غم
ہمارے لئے روزمرہ سہی
ملا کچھ تو قاتل سے عازمؔ تمہیں
پس داغ دل ایک چھرا سہی
