بے مہریٔ قضا کے ستائے ہوئے ہیں ہم الزام زندگی کا اٹھائے ہوئے ہیں ہم حسن سلوک یار کا اعجاز کیا کہیں سو داغ ایک دل پہ اٹھائے ہوئے ہیں ہم اب کس سے لے قصاص زمانے میں منصفی اپنے لہو میں آپ نہائے ہوئے ہیں ہم پتھر کے اک صنم کو بہ صد ناز و طمطراق شیشے کے پیرہن میں چھپائے ہوئے ہیں ...
ہر سانس اک ہجوم پریشاں دھواں کا تھا اپنا وجود سانحہ جلتے مکاں کا تھا اک جرم کانچ کا ہی نہیں خوں رلانے میں کچھ ہاتھ کم نگاہیٔ شیشہ گراں کا تھا پتھر تو دشمنوں نے بھی پھینکے ہزار بار جو گھاؤ لگ سکا وہ فقط دوستاں کا تھا جس دام پر بھی مانگا زمانے کو دے دیا ہر سانس کوئی مال اک اٹھتی ...
زندگی ذوق پرستش کی سزا مانگے ہے کانچ کے کعبے میں پتھر کا خدا مانگے ہے آج پھر اپنے پیمبر کی پناہوں کے لئے عہد آشوب کوئی غار حرا مانگے ہے زندگی آج ہے انسان کی تو مثل قفس عمر پیہم کے لئے اپنی چتا مانگے ہے حسن کاری کے لئے آج یہ دل دار سخن رنگ خوں اور ذرا بوئے حنا مانگے ہے منت گوش ...
نہ کوئی شخص نہ سایہ کہیں نگر میں تھا بلا کا خواب تماشا مری نظر میں تھا ابھرتے ڈوبتے رشتوں کی دھوپ چھاؤں میں اک اجنبی کی طرح میں بھی اپنے گھر میں تھا سروں کے پھول کی بارش نہ تھم سکی آخر امڈتے دار کا ساون مرے نگر میں تھا تڑپ رہی تھیں دریچوں میں ڈوبتی کرنیں گزرتے وقت کا سورج کہیں ...
دنیا عجیب کھیل تماشا لگے مجھے ہر آدمی ہجوم میں تنہا لگے مجھے گونگے مجاہدوں کا یہ ٹھہرا ہوا جلوس پرچھائیوں کا ایک جزیرہ لگے مجھے بازار سنگ و خشت میں سو نازکی کے ساتھ اپنی حیات کانچ کی گڑیا لگے مجھے سورج مکھی کی طرح بدلتی ہے رخ حیات جب آفتاب وقت ابھرتا لگے مجھے اس درجہ موج خوں ...
دلوں پر نقش ہونا چاہتا ہوں مکمل موت سے گھبرا رہا ہوں سبھی سے راز کہہ دیتا ہوں اپنے نہ جانے کیا چھپانا چاہتا ہوں توجہ کے لئے ترسا ہوں اتنا کہ اک الزام پر خوش ہو رہا ہوں مجھے محفل کے باہر کا نہ جانو میں اپنا جام خالی کر چکا ہوں یہ عادت بھی اسی کی دی ہوئی ہے کہ سب کو مسکرا کر ...
خواب ویسے تو اک عنایت ہے آنکھ کھل جائے تو مصیبت ہے جسم آیا کسی کے حصے میں دل کسی اور کی امانت ہے جان دینے کا وقت آ ہی گیا اس تماشے کے بعد فرصت ہے عمر بھر جس کے مشوروں پہ چلے وہ پریشان ہے تو حیرت ہے اب سنورنے کا وقت اس کو نہیں جب ہمیں دیکھنے کی فرصت ہے اس پہ اتنے ہی رنگ کھلتے ...
بچپن بیتا کھوئی جوانی آیا بزرگی کا موسم جس کی ہر اک ساعت نے آنکھوں کو بے نور کیا آس کو چکنا چور کیا تب جا کر یہ راز کھلا رات کے تٹ پر آ کر سورج ظلمت کا ہو جاتا ہے اور تعطل جسموں میں بو جاتا ہے
کل رات ہوا یوں بھی اک چاند بدن لڑکی تخئیل میں جب اتری دنیا کے مسائل نے ہر دل کی مسرت کو مصلوب بنا ڈالا اور اس سے تخاطب پر محسوس ہوا مجھ کو جیسے کوئی صدیوں کی بچھڑی ہوئی دو روحیں آپس میں مخاطب ہوں بے روح کی قالب ہوں
ہوس کا کھیل بھی کتنا مسرت خیز ہوتا ہے کہ اس کے کھیلنے والے یہ اکثر بھول جاتے ہیں بدن میں جب بدن کی لذتیں غرقاب ہوتی ہیں تو ان کے ساتھ اک ایسی تباہی جسم میں تحلیل ہو جاتی ہے جس کا عمر بھر کوئی ازالہ ہو نہیں سکتا