خواب آنکھوں کی حوالات میں ڈالا گیا ہے نیند کو یوں ہی فسادات میں ڈالا گیا ہے مجھ کو ہلکی سی تجلی کی جھلک آتی ہے کہکشاؤں کو تری بات میں ڈالا گیا یہ کسی نیک صحافی کا ہنر ہے شاید طنز جی بھر کے سوالات میں ڈالا گیا ہے اک محبت ہے مری اپنی کمائی ہوئی شے اور جو کچھ ہے وہ خیرات میں ڈالا ...
اڑتا ہوا بادل کہیں ہاتھ آیا ہے چھوٹا ہوا آنچل کہیں ہاتھ آیہ ہے بکھری ہوئی خوش بو کبھی سمٹی ہے کہیں گزرا ہوا اک پل کہیں ہاتھ آیا ہے
آئینے کو خود توڑ رہا ہو جیسے احساس کا رخ موڑ رہا ہو جیسے دنیا کے مسائل سے گزرنے والا یادوں کی ڈگر چھوڑ رہا ہو جیسے
احساس کی لذت کے قریب آ جاؤ انفاس کی نگہت کے قریب آ جاؤ فطرت کے تقاضوں سے تغافل کب تک آ جاؤ محبت کے قریب آ جاؤ
خوابوں کے طلسمات سے ہم گزرے ہیں اس دور کے حالات سے ہم گزرے ہیں سیلاب کا مرکز تھا جب اپنا آنگن اس رات کی برسات سے ہم گزرے ہیں
دل پر اثر خواب ہے ہلکا ہلکا جیسے کوئی پیمانہ ہو چھلکا چھلکا آنکھوں کے لیے مرکز رعنائی ہے آنچل ترے شانوں پہ یہ ڈھلکا ڈھلکا
شاعری یا لن ترانی ہے تو ہے یہ روایت خاندانی ہے تو ہے لازمی تھا کچھ سوالوں کا جواب چلئے پھر یہ بد زبانی ہے تو ہے ہم تو اک تصویر ان کو دے چکے اب بھلے یہ مہربانی ہے تو ہے عشق کوئی بانٹنے کی شے نہیں سامنے پھر کوئی رانی ہے تو ہے کون سے نخرے اٹھاتی تھی مری منہ پھلائے زندگانی ہے تو ...
سوداگری کے سارے حوالوں کو بیچ دوں میں آگ کو خرید کے چھالوں کو بیچ دوں ڈر ہے کہ اندھیروں کو بتا دیں گے میرا عیب چن چن کے گھر سے سارے اجالوں کو بیچ دوں ممکن ہے بیچ سکتی ہوں اپنے سخن کو میں ایسا بھی اب نہیں کہ خیالوں کو بیچ دوں سوچا کسی بہانے صفائی ہو ذہن کی ردی سے بے تکے سے سوالوں ...
وقت کی دھوپ تیز ہوتی ہے ہم سفر ہو تو راہ کٹ جائے سہل ہو جائے پھر تو جہد حیات دل نہ سہمے خیال بٹ جائے
ہم غریبوں کے لیے عید کہاں زندگی یاس کا گہوارہ ہے ہر نفس تازہ امیدوں کے لیے اک دہکتا ہوا انگارہ ہے