اپنے ویرانے کا نقصان نہیں چاہتا میں یعنی اب دوسرا انسان نہیں چاہتا میں کٹ گئی جیسی بھی کٹنی تھی یہاں دھوپ کے ساتھ اب کسی سائے کا احسان نہیں چاہتا میں مر رہا ہوں میں یہاں اور وہ کہتا ہے مجھے نا مکمل ترا ایمان نہیں چاہتا میں پاس آ کر نہ بڑھا اور پریشانئ دل پھر کسی عشق کا سامان ...
یہ رات آخری لوری سنانے والی ہے میں تھک چکا ہوں مجھے نیند آنے والی ہے ہنسی مذاق کی باتیں یہیں پہ ختم ہوئیں اب اس کے بعد کہانی رلانے والی ہے اکیلا میں ہی نہیں جا رہا ہوں بستی سے یہ روشنی بھی مرے ساتھ جانے والی ہے جو نقش ہم نے بنائے تھے صرف وہ ہی نہیں ہوائے دشت ہمیں بھی مٹانے والی ...
زندگی کیسے لگی دیوار سے پوچھنا بھی کیا کسی دیوار سے بس مجھے سر پھوڑنے کا شوق تھا بات تھی دیوار کی دیوار سے ٹوٹتے دل کی کہانی بھی کہی یعنی پھر ٹوٹی ہوئی دیوار سے آؤ ہم دیوار گریہ کا پتہ پوچھ لیتے ہیں کسی دیوار سے جو رکاوٹ تھی ہماری راہ کی راستہ نکلا اسی دیوار سے دستکوں سے در ...
مری کہانی تری کہانی سے مختلف ہے کہ جیسے آنکھوں کا پانی، پانی سے مختلف ہے وہ ایک لمحہ جو دسترس میں نہیں رہا ہے وہ زندگی بھر کی رائیگانی سے مختلف ہے یہ جھیل آنکھیں ہمیں جو پیغام دے رہی ہیں وہ تیرے ہونٹوں کی ترجمانی سے مختلف ہے تری جدائی کا حادثہ ایسا حادثہ ہے جو ہر حقیقت سے ہر ...
کس نے کہا کہ چپ ہوں میاں بولتا نہیں جب آگ بولتی ہو دھواں بولتا نہیں رستے کی بات غور سے سنتا ہوں اس لیے رہ میں کسی سے ہم سفراں بولتا نہیں یوں تو ہر ایک شخص کا اپنا ہی شور ہے لیکن کسی سے کوئی یہاں بولتا نہیں بس یوں ہی پوچھتا ہوں مکینوں کا حال چال برسوں سے بند ہے یہ مکاں بولتا ...
جب ترے خواب سے بیدار ہوا کرتے تھے ہم کسی رنج سے دو چار ہوا کرتے تھے آئنے چشم تحیر سے ہمیں دیکھتے تھے ہم کہ جب تیرے گرفتار ہوا کرتے تھے آج معلوم ہوا تیری ضرورت ہی نہ تھی ہم یونہی تیرے طلب گار ہوا کرتے تھے اب تو ہم روز انہیں پاؤں تلے روندتے ہیں یہ ہی رستے تھے جو دشوار ہوا کرتے ...
مجھ کو اتنا تو یقیں ہے میں ہوں اور جب تک یہ زمیں ہے میں ہوں اس سے آگے میں کہاں تک سوچوں آدمی جتنا ذہیں ہے میں ہوں یہ جسے ساتھ لیے پھرتا ہوں یہ کوئی اور نہیں ہے میں ہوں ایک چھوٹا سا محل سپنوں کا جس میں اک ماہ جبیں ہے میں ہوں گھر کے باہر ہے کوئی مجھ جیسا اور جو گھر میں مکیں ہے میں ...
عجیب لگتا ہے یوں ہی بچھا ہوا بستر یہ ایک عمر سے خالی پڑا ہوا بستر سنا رہا ہے کہانی ہمیں مکینوں کی مکاں کے ساتھ یہ آدھا جلا ہوا بستر نہ جانے کون سا لمحہ بناۓ ہجرت ہو میں کھولتا ہی نہیں ہوں بندھا ہوا بستر اداسیاں نہ شکن در شکن نظر آتیں ترے وجود سے ہوتا بھرا ہوا بستر اڑا رہا ہے ...
ہوائے تیز کے آگے کہاں رہے گا کوئی دیے پہ وقت سدا مہرباں رہے گا کوئی اے دوست ہم بھی زمیں پر دھوئیں کی صورت ہیں فضا میں کتنا دھواں ہے دھواں رہے گا کوئی عجیب نقش بنائے ہیں وحشت دل نے مگر یہ ریت ہے اس پر نشاں رہے گا کوئی مکان دل کی سبھی رونقیں مکینوں سے مکین ہی نہ رہے تو مکاں رہے گا ...
قدم قدم نشان ڈھونڈھتا رہا میں اک نیا جہان ڈھونڈھتا رہا بہت سے قافلے ملے تھے راہ میں میں اپنا کاروان ڈھونڈھتا رہا نکل گیا جو میں حدود وقت سے تو مجھ کو آسمان ڈھونڈھتا رہا ادھر میں در بدر مکان کے لئے ادھر مجھے مکان ڈھونڈھتا رہا عجیب شخص ہوں خوشی کا ایک پل غموں کے درمیان ...