تجھ سے بچھڑ کر بھی زندہ تھا مر مر کر یہ زہر پیا ہے چپ رہنا آسان نہیں تھا برسوں دل کا خون کیا ہے جو کچھ گزری جیسی گزری تجھ کو کب الزام دیا ہے اپنے حال پہ خود رویا ہوں خود ہی اپنا چاک سیا ہے کتنی جانکاہی سے میں نے تجھ کو دل سے محو کیا ہے سناٹے کی جھیل میں تو نے پھر کیوں پتھر پھینک دیا ...
تم اپنے عقیدوں کے نیزے ہر دل میں اتارے جاتے ہو ہم لوگ محبت والے ہیں تم خنجر کیوں لہراتے ہو اس شہر میں نغمے بہنے دو بستی میں ہمیں بھی رہنے دو ہم پالنہار ہیں پھولوں کے ہم خوشبو کے رکھوالے ہیں تم کس کا لہو پینے آئے ہم پیار سکھانے والے ہیں اس شہر میں پھر کیا دیکھو گے جب حرف یہاں مر ...
ہماری چاہتوں کی بزدلی تھی ورنہ کیا ہوتا اگر یہ شوق کے مضموں وفا کے عہد نامے اور دلوں کے مرثیے اک دوسرے کے نام کر دیتے زیادہ سے زیادہ چاہتیں بد نام ہو جاتیں ہماری دوستی کی داستانیں عام ہو جاتیں تو کیا ہوتا یہ ہم جو زیست کے ہر عشق میں سچائیاں سوچیں یہ ہم جن کا اثاثہ تشنگی، تنہائیاں ...
میورکا کے ساحلوں پہ کس قدر گلاب تھے کہ خوشبوئیں تھی بے طرح کہ رنگ بے حساب تھے تنک لباسیاں شناوروں کی تھیں قیامتیں تمام سیم تن شریک جشن شہر آب تھے شعاع مہر کی ضیا سے تھے جگر جگر بدن قمر جمال جن کے عکس روشنی کے باب تھے کھلی فضا کی دھوپ وہ کہ جسم سانولے کرے بتان آذری کہ مست غسل آفتاب ...
گزر گئے کئی موسم کئی رتیں بدلیں اداس تم بھی ہو یارو اداس ہم بھی ہیں فقط تمہیں کو نہیں رنج چاک دامانی کہ سچ کہیں تو دریدہ لباس ہم بھی ہیں تمہارے بام کی شمعیں بھی تابناک نہیں مرے فلک کے ستارے بھی زرد زرد سے ہیں تمہارے آئنہ خانے بھی زنگ آلودہ مرے صراحی و ساغر بھی گرد گرد سے ہیں نہ ...
مجھ سے پہلے تجھے جس شخص نے چاہا اس نے شاید اب بھی ترا غم دل سے لگا رکھا ہو ایک بے نام سی امید پہ اب بھی شاید اپنے خوابوں کے جزیروں کو سجا رکھا ہو میں نے مانا کہ وہ بیگانۂ پیمان وفا کھو چکا ہے جو کسی اور کی رعنائی میں شاید اب لوٹ کے آئے نہ تری محفل میں اور کوئی دکھ نہ رلائے تجھے ...
اک عمر کے بعد تم ملے ہو اے میرے وطن کے خوش نواؤ ہر ہجر کا دن تھا حشر کا دن دوزخ تھے فراق کے الاؤ روؤں کہ ہنسوں سمجھ نہ آئے ہاتھوں میں ہیں پھول دل میں گھاؤ تم آئے تو ساتھ ہی تمہارے بچھڑے ہوئے یار یاد آئے اک زخم پہ تم نے ہاتھ رکھا اور مجھ کو ہزار یاد آئے وہ سارے رفیق پا بجولاں سب کشتۂ ...
مدتوں بعد ملا نامۂ جاناں لیکن نہ کوئی دل کی حکایت نہ کوئی پیار کی بات نہ کسی حرف میں محرومئ جاں کا قصہ نہ کسی لفظ میں بھولے ہوئے اقرار کی بات نہ کسی سطر پہ بھیگے ہوئے کاجل کی لکیر نہ کہیں ذکر جدائی کا نہ دیدار کی بات بس وہی ایک ہی مضموں کہ مرے شہر کے لوگ کیسے سہمے ہوئے رہتے ہیں ...
اس نے کہا سن عہد نبھانے کی خاطر مت آنا عہد نبھانے والے اکثر مجبوری یا مہجوری کی تھکن سے لوٹا کرتے ہیں تم جاؤ اور دریا دریا پیاس بجھاؤ جن آنکھوں میں ڈوبو جس دل میں اترو میری طلب آواز نہ دے گی لیکن جب میری چاہت اور مری خواہش کی لو اتنی تیز اور اتنی اونچی ہو جائے جب دل رو دے تب لوٹ ...
جنم کا اندھا جو سوچ اور سچ کے راستوں پر کبھی کبھی کوئی خواب دیکھے تو خواب میں بھی عذاب دیکھے یہ شاہراہ حیات جس پر ہزار ہا قافلے رواں ہیں سبھی کی آنکھیں ہر ایک کا دل سبھی کے رستے سبھی کی منزل اسی ہجوم کشاں کشاں میں تمام چہروں کی داستاں میں نہ نام میرا نہ ذات میری مرا قبیلہ سفید ...