یہ کیسے خوف ہمیں آج پھر ستانے لگے ہمارے پاس رہو تم کہ دل ٹھکانے لگے غبار شہر سے باہر تری رفاقت میں سکوت شام کے لمحے بڑے سہانے لگے کبھی جو لوٹ کے آئے کسی مسافت سے تو اپنے شہر کے منظر وہی پرانے لگے سزا کے خوف سے کیوں اس قدر لرزتا ہے کر ایسا جرم کہ رحمت بھی مسکرانے لگے یہ کائنات ...
جو مال اس نے سمیٹا تھا وہ بھی سارا گیا وہ خواہشوں کے تصادم میں آج مارا گیا خمار عشق کی غارت گری ہے دونوں طرف ہماری عمر گئی اور سکوں تمہارا گیا بپھرتی موج کے آگے یہ کس کو یاد رہا کہاں پہ ناؤ گئی اور کہاں کنارا گیا بس ایک جان بچی ہے چلو نثار کریں سنا ہے نام ہمارا ہی پھر پکارا ...
جیسے کہ اک فریم ہو تصویر کے بغیر ہم خواب دیکھتے رہے تعبیر کے بغیر لازم نہیں کہ پیار میں رشتہ ہو جسم کا خوشبو ہے ساتھ پھول کے زنجیر کے بغیر کوشش تو کر کے دیکھنا تقدیر کچھ بھی ہو مت ہار ماننا کبھی تدبیر کے بغیر ملکوں کی فکر چھوڑ کے قبضہ دلوں پہ کر مل جائے گا جہان یہ تسخیر کے ...
بادباں شخص پھر پکارے تجھے کشتیوں سے بندھے کنارے تجھے ایک عرصے سے گھر سے باہر شخص کیا بتائے گا گھر کے بارے تجھے کس کی جرأت تھی ورنہ فتح کرے اپنی مرضی سے ہم ہیں ہارے تجھے تو ہے مشروط اس محبت میں ناز اٹھانے ہیں اب ہمارے تجھے
قدم قدم پہ نیا امتحان چھوڑا ہے کسی نے عین بھنور درمیان چھوڑا ہے جبھی تو سب کو میں شک کی نظر سے دیکھتا ہوں مجھے کسی نے بڑا بد گمان چھوڑا ہے میں ذیلی رستہ نہیں تھا مگر مجھے اس نے نہ جانے سوچ کے کیا بے نشان چھوڑا ہے زمیں پہ بھیجنے والے مجھے بتا تو سہی یہ میرے حصے میں کیا آسمان ...
تجھ کو ہی سوچتا رہوں فرصت نہیں رہی اور پھر وہ پہلے والی طبیعت نہیں رہی تجھ سے بچھڑ کے زندہ رہا تو پتہ چلا اب اس قدر بھی تیری ضرورت نہیں رہی میں سرد ہو گیا ہوں کہ اب تیرے لمس میں گزری رتوں کی آتشیں حدت نہیں رہی آخر کو تیرے غم بھی مجھے راس آ گئے شام فراق میں بھی وہ شدت نہیں ...
راحت کے واسطے نہ رفاقت کے واسطے اب کوئی مجھ کو چاہے تو چاہت کے واسطے یہ اختلاف فکر بہت کام آئے گا اس کو بچا کے رکھ کسی ساعت کے واسطے دونوں کو اس جہان میں سچ کی تلاش تھی اتنا بہت تھا ہم میں رفاقت کے واسطے میں خواہش قیام سے آگے نکل گیا اب مجھ کو مت پکار اقامت کے واسطے منزل مری سفر ...
کیوں مل رہی ہے ان کو سزا چیختی رہی سنسان وادیوں میں ہوا چیختی رہی ہونٹوں کی لرزشوں میں رہے حرف منجمد سینے میں دفن ہو کے دعا چیختی رہی صدمے کی شدتوں سے ہر اک آنکھ خشک تھی یہ دیکھ کر فلک پہ گھٹا چیختی رہی اک مصلحت کے سامنے مجبور تو ہوئے لیکن قدم قدم پہ انا چیختی رہی رخصت ہوئے تو ...
مٹی ترے مہکنے سے مجھ کو گمان ہے بارش کی بوند بوند میں اک داستان ہے یہ سوچتے ہو کیوں کہ خدا بس تمہیں ملا دیکھو جہاں زمیں ہے وہاں آسمان ہے لگتا ہے گھر وہی جہاں آپس میں پیار ہو ورنہ تو لوگ رہتے ہیں اور اک مکان ہے آنکھوں کی بات چیت میں پڑنا یہ سوچ کر نظروں کے لین دین میں دل کا زیان ...
کل پہلی بار اس سے عنایت سی ہو گئی کچھ اس طرح کہ مجھ کو شکایت سی ہو گئی آیا ہے اب خیال تلافی تجھے کہ جب اس دل کو تیرے ہجر کی عادت سی ہو گئی پہلے پہل تو عام سی لڑکی لگی مجھے پھر یوں ہوا کہ اس سے محبت سی ہو گئی اتنے طویل عرصے سے ہم ساتھ ساتھ ہیں اب ایک دوسرے کی ضرورت سی ہو گئی اک بار ...