1. صفحۂ اول
  2. قومی زبان
  3. شاعری
  4. میری خبر ہے دل کو نہ دل کی خبر مجھے

میری خبر ہے دل کو نہ دل کی خبر مجھے

میری خبر ہے دل کو نہ دل کی خبر مجھے
دیوانہ کر گئی ہے کس کی نظر مجھے


کیسے قرار آئے مرے دل کو ہم نشیں
پھرتی ہے تیری یاد لئے در بدر مجھے


منزل کے پاس آ کے ہوئے دونوں دو طرف
میں ہم سفر کو بھول گیا ہم سفر مجھے


بیتے دنوں کے زخموں کا کرتا میں احتساب
مہلت جو دیتی گردش شام و سحر مجھے


ہوتی ہے ایک رات چراغوں کی زندگی
یہ درس دے رہا ہے چراغ سحر مجھے


چاہے کوئی تو پیار سے کر لے مجھے اسیر
نفرت سے زیر کر نہ سکے گا مگر مجھے


معصومؔ میرے حق میں وہ انمول ہیں رتن
قدرت نے جو عطا کئے لعل و گہر مجھے


معصوم شرقی سے متعلقہ

غم کے طوفاں دل مضطر میں ٹھہر جاتے ہیں

دل ہے کہ جستجو کے سرابوں میں قید ہے

دشمن کے طنز کو بھی سلیقے سے ٹال دے

تجھ سے ملے بغیر یہ مجھ کو پتا نہ تھا

شب سیاہ کا آنچل سرک چکا ہے بہت

میں نے تجھ کو کھویا تھا میں نے تجھ کو پایا ہے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن