1. صفحۂ اول
  2. قومی زبان
  3. شاعری
  4. جا رہی ہے بہار پھولوں کی

جا رہی ہے بہار پھولوں کی

جا رہی ہے بہار پھولوں کی
ہے قبا تار تار پھولوں کی


سینچئے پہلے خون دل سے چمن
دیکھیے پھر بہار پھولوں کی


ان کے ہونٹوں پہ مسکراتی ہے
مسکراہٹ ہزار پھولوں کی


کس قدر تلخ یہ حقیقت ہے
ہم نشینیٔ خار پھولوں کی


جس کو کہتے ہیں ہم بہار و خزاں
وہ تو ہے جیت ہار پھولوں کی


سچ بتا کیوں خموش ہے بلبل
اے صبا راز دار پھولوں کی


ہے خزاں میں بھی جیسے آوارہ
نکہت بے قرار پھولوں کی


کیا قفس میں بھی گل کھلائے گی
یاد یوں بار بار پھولوں کی


طاہرہؔ آج تیرے شعروں میں
ہے مہک بے شمار پھولوں کی


بانو طاہرہ سعید سے متعلقہ

تقاضے ہیں شاید یہی آج کل کے

مر مر کے جیے یوں دنیا میں جینے کا سلیقہ بھول گئے

کتنا بھی مسکرائیے دل ہے مگر بجھا بجھا

کردار ہی سے زینت افلاک ہو گئے

بیسویں صدی کے ہم شاعر پریشاں ہیں

پہلی سی اب وہ شوخی گفتار بھی نہیں

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن