ہر خوشی رنج و غم پہ وار آئے
ہر خوشی رنج و غم پہ وار آئے
جتنے قرضے تھے سب اتار آئے
کھا کے ہر وار اپنے سینے پہ
راہ و رسم وفا سنوار آئے
کون دیکھے بدلتے موسم کو
کب خزاں آئے کب بہار آئے
آنکھیں خوشیوں سے بھیگتی ہیں ضرور
جب کوئی بھولا غم گسار آئے
زندگانی کا کچھ بھروسہ نہیں
کون جانے کہاں پکار آئے
سمجھو بیکار گزرا ماہ صیام
نیکیوں میں نہ گر نکھار آئے
اس کی بخشش پہ زندہ ہیں ورنہ
کب گناہوں کا کچھ شمار آئے
ایسی کچھ راہ استوار کریں
نذر صادقؔ بھی کچھ گزار آئے
