1. صفحۂ اول
  2. قومی زبان
  3. شاعری
  4. دنیا سے بے شمار مسلماں گزر گئے

دنیا سے بے شمار مسلماں گزر گئے

دنیا سے بے شمار مسلماں گزر گئے
حسن ازل پہ ششدر و حیراں گزر گئے


ممکن نہ تھا کہ دید کی نعمت یہاں ملے
دل میں لئے وصال کے ارماں گزر گئے


انسانیت کو ناز تھا جن کے وجود پر
ایسے بھی جانے کتنے ہی انساں گزر گئے


عالم فنا پذیر ہے باقی ہے ذات حق
لاکھوں کروڑوں حضرت انساں گزر گئے


طوفاں جو اٹھ رہا ہے وہ بیٹھے گا ایک دن
ایسے نہ جانے کتنے ہی طوفاں گزر گئے


اسلام کا محافظ و نگراں ہے خود خدا
ہم جیسے جانے کتنے مسلماں گزر گئے


حسن ازل ہے آج بھی جلوہ فگن عروجؔ
حسن ازل کے لاکھ غزل خواں گزر گئے


عروج قادری سے متعلقہ

نفاق

میراساقی

اس سینے کی وقعت ہی کیا ہے جس سینے میں تیرا نور نہیں

شہیدوں کا ترے شہرہ زمیں سے آسماں تک ہے

نہ راہ رو ہیں اکٹھا نہ راہ داں پیدا

میں بتاؤں عشق کیا ہے ایک پیہم اضطراب

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن