1. صفحۂ اول
  2. قومی زبان
  3. شاعری
  4. دیکھے بھالے رستے تھے

دیکھے بھالے رستے تھے

دیکھے بھالے رستے تھے
پھر بھی لوگ بھٹکتے تھے


دریا صحرا اور سراب
منظر سارے پھیکے تھے


اک سنجوگ کا قصہ تھا
کتنے بندھن ٹوٹے تھے


دل تو اس کا اجلا تھا
لیکن کپڑے میلے تھے


نظریں دھندلی دھندلی تھیں
چہرے نیلے پیلے تھے


گلیاں کوچے سب جل تھل
ٹوٹ کے بادل برسے تھے


کتنے چاند گہن میں تھے
کتنے تارے ٹوٹے تھے


وقت کے بہتے دریا میں
کتنے سورج ڈوبے تھے


سارا جسم دہک اٹھا
شعلے تو پھر شعلے تھے


اسرار زیدی سے متعلقہ

کھڑا ہوں دھوپ میں سائے کی جستجو بھی نہیں

یوں تو وہ مجھ سے سوا میرا بھلا چاہتا ہے

پہلے تو نہ تھی اتنی تب و تاب غزل میں

افسانۂ غم یوں بھی دل زار کہا ہے

نہ جانے کتنی روایتیں منہدم ہوئیں ہیں

ٹوٹے ہوئے پیڑ گن رہا ہوں

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن