بے خودی میں منہ سے جو نکلا سخن ثابت ہوا

بے خودی میں منہ سے جو نکلا سخن ثابت ہوا
عقل سے بہتر مرا دیوانہ پن ثابت ہوا


مورد الزام ٹھہرایا گیا ہم کو مگر
وجہ رسوائی نظام انجمن ثابت ہوا


غیر چہرے اجنبی ماحول مبہم سے نقوش
میں جہاں پہنچا وہی میرا وطن ثابت ہوا


ایک لمحے کو بہاروں سے ہوئے تھے ہم کلام
ایک مدت میں ہمارا پیرہن ثابت ہوا


کس قدر نازک تھی وہ احساس کی منزل کہ جب
دوستوں کا مشورہ بھی دل شکن ثابت ہوا