1. صفحۂ اول
  2. قومی زبان
  3. شاعری
  4. بیٹھا ہوں دل میں یار کو مہماں کئے ہوئے

بیٹھا ہوں دل میں یار کو مہماں کئے ہوئے

بیٹھا ہوں دل میں یار کو مہماں کئے ہوئے
ذرے کو رشک مہر درخشاں کئے ہوئے


تیری نگاہ لطف کے شایاں کئے ہوئے
لایا ہوں دل کو رشک گلستاں کئے ہوئے


اک میں کہ جمع اپنے ہی دل کو نہ کر سکا
اک تم کہ جتنے دل بھی پریشاں کئے ہوئے


یوں کہہ رہا ہوں گریۂ فرقت کا ماجرا
ہر اشک ہے تہیۂ طوفاں کئے ہوئے


کہتی ہے اب وہ آنکھ مرا قصۂ وفا
احساس انفعال کو عنواں کئے ہوئے


بیٹھے ہیں اہل شوق تری جلوہ گاہ میں
تار نظر کو تار رگ جاں کئے ہوئے


احساس کی حدود میں کیوں کر ٹھہر سکے
جو دل ہو سیر عالم وجداں کئے ہوئے


اک جنت نگاہ ہے آنکھوں کے سامنے
دل ہے تصور رخ جاناں کئے ہوئے


توبہ کا احترام بجا لیکن اے رشیدؔ
پاس صلائے رحمت یزداں کئے ہوئے


رشید شاہجہانپوری سے متعلقہ

پہلے اتنا تو مرا حال کبھی زار نہ تھا

اپنوں سے شکایت ہے نہ غیروں سے گلا ہے

دل غموں کا مخزن ہے حسرتوں کا مسکن ہے

اے دوست اک نگاہ تری کیا بدل گئی

جس کو دیکھو احتساب زیست سے غافل ہے آج

جس کو دیکھو احتساب زیست سے غافل ہے آج

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن