لاکھ بدلا بدل نہیں پائے آئنے سے نکل نہیں پائے یوں تو دنیا جہان گھومے مگر لوگ گھر سے نکل نہیں پائے سامنے تجھ کو یک بیک پا کر لفظ ہم سے سنبھل نہیں پائے کتنے موتی ابھی بھی ایسے ہیں سیپ سے جو نکل نہیں پائے کاغذی لوگ گل گئے کب کے ہم تھے پتھر سو گل نہیں پائے
گزرے لمحوں کے دوبارہ پنے کھول رہی ہوں میں تھوڑے قصے یاد ہیں مجھ کو تھوڑے بھول گئی ہوں میں روز صبح اٹھ جایا کرتے ہیں مجھ میں کردار کئی پر بستر سے خود کو تنہا اٹھتے دیکھ رہی ہوں میں سوچا ہے میں درد چھپا لوں گی اپنے آسانی سے سینے میں جاسوس چھپا ہے یہ کیوں بھول رہی ہوں میں ایک سبب ...
کبھی کبھی مجھے اتنا بھی تو نبھایا کر کہ اپنے آپ کو کچھ دیر بھول جایا کر نہ چھت پہ چاند ٹکے گا نہ رات ٹھہرے گی ہر ایک خواب کو آنکھوں میں مت سجایا کر میں چاہتی ہوں کہ ہر روپ میں تجھے دیکھوں کبھی کبھی مری باتوں سے تنگ آیا کر تری پسند کی غزلیں میں لکھ تو دوں لیکن یہ شرط ہے کہ انہیں ...
تمنائیں ٹھکانہ چاہتی ہیں ترے پہلو میں آنا چاہتی ہیں ذرا نزدیک آ کر بیٹھیے گا یہ آنکھیں آب و دانہ چاہتی ہیں بدن کے رنگ رخصت ہو رہے ہیں مگر سانسیں نبھانا چاہتی ہیں ہمیں پڑھنے کی چاہت اور کچھ ہے کتابیں کچھ پڑھانا چاہتی ہیں یہ دل وشواس کرنا چاہتا ہے نگاہیں سچ بتانا چاہتی ہیں
اپنی مرضی کا رخ میں اپناؤں کاش میں بھی ہوا سی ہو جاؤں مان لینا کے تم خیال میں ہو جب بھی میں پھول جیسا مسکاؤں کیا کہا تم پہ میں یقیں کر لوں یعنی اک بار پھر بکھر جاؤں خواہشیں تو ہزار کر لوں میں کاش پوری بھی کوئی کر پاؤں چاند بھی جا رہا ہے اب سونے میں بھی اب تھوڑی دیر سو جاؤں
اپنی نظروں میں ہارنا کب تک اس کو اکثر پکارنا کب تک اب تو کھل جانی چاہئے آنکھیں رات کو دن پکارنا کب تک فون کر ہی لیا تمہیں آخر شام بے کل گزارنا کب تک حوصلہ دیجے ہمتیں دیجے ڈوبتے کو ابھارنا کب تک اب جو کیجے وہ سب سہی کیجئے غلطیوں کو سدھارنا کب تک
خوش نما پل کی گرفتاری کریں آ کہ مل کر یہ سمجھ داری کریں ایک چھتری میں بچیں ہم دھوپ سے جو پہل دل میں ہے وہ ساری کریں آپ ہم دونوں پریشاں ہو لیے آئیے پھر سے وفاداری کریں جو جگا دے خوب صورت خواب سے ایسے سورج سے بھی کیا یاری کریں لان میں سب فیشنیبل پلانٹس ہیں ایک دو پھولوں کی بھی ...
سمجھتے تھے وہ، سمجھایا گیا ہے ہمیں ہم سے ہی ملوایا گیا ہے ہمارے نام کا بے نام حصہ کسی کے نام لکھوایا گیا ہے کبھی احسان کوئی کر گیا تھا برابر یاد دلوایا گیا ہے یہ آنکھیں نیند میں بھی جاگتی ہیں یہ کس کا ذکر دہرایا گیا ہے ہم اپنی گفتگو بھی تولتے ہیں ہمیں بیوپار سکھلایا گیا ہے
شاید تجھ سے ملنے کی گنجائش ہے سناٹا ہے خاموشی ہے بارش ہے میری آنکھیں خواب ترے ہی دیکھیں گی ان میں بیگانے خوابوں کی بندش ہے اب جا کر کے دل کو یہ احساس ہوا تیرا پیار بھی پیار نہیں اک سازش ہے تجھ کو دیکھ کے ایسا کیوں محسوس ہوا خوش ہے تو یا خوش ہونے کی کوشش ہے رشتوں کی قبروں پر مٹی ...
ایک اک قطرہ جوڑ کر رکھا خون سارا نچوڑ کر رکھا رنگ تو اور بھی تھے جیون میں کیوں اداسی کو اوڑھ کر رکھا کیونکہ آئینہ سچ بتا دے گا اس لیے اس کو توڑ کر رکھا جو بھی لمحے تمہارے ساتھ کٹے میں نے ان سب کو جوڑ کر رکھا وہ ورق جس میں تیرا نام آیا میں نے ان سب کو موڑ کر رکھا خود پہ جب بھی کیا ...