کام کتنے ادھورے پڑے تھے اور روشنی کم سے کم ہو رہی تھی مجھے یوں لگا میری پیشانی ہلکے پسینے سے نم ہو رہی تھی ایسے میں تم نے مری مانگ کو چوم کر مجھ سے سرگوشیوں میں کہا جان افشاں جبیں پر اتر آئی ہے یا ستاروں نے بوسہ دیا ہے بتاؤ بھلا اب کہاں کی تھکن
مرے ہم رقص میں جب ایڑیاں اپنی اٹھا کر تمہارے مضبوط کندھوں سے پرے پس منظر میں رقصاں زیست کو وفا کا گیت گاتے دیکھتی ہوں تو مری مسرور آنکھیں وفور عشق سے بے تاب ہو کر کانپتی ہیں مرے چہرے کو پلکوں کا نغمہ سرخ کرتا ہے بدن کا خون رخساروں پہ شعلے پھینکتا ہے محبت مانگ میں میری روپہلی اور ...