تری قربت میں جو رہی ہوگی رات مغرور ہو رہی ہوگی کب سے خوشبو نظر نہیں آئی اس کے پہلو میں سو رہی ہوگی یاد کر کے ہماری فرقت کو اپنا آنچل بھگو رہی ہوگی ہم نے صحرا کو چھان مارا ہے پیاس پانی میں سو رہی ہوگی جا کے شب کو ذرا جگا لاؤ اس کی زلفوں میں سو رہی ہوگی
ہجر کا موسم جھیلی ہو ایسی ایک سہیلی ہو تیرے قرب کی خوشبو ہو چمپا ہو نہ چنبیلی ہو ایسا کون سا دریا ہے جس نے پیاس نہ جھیلی ہو ہر اک راہ پہ ساتھ چلے ایسا الھڑ بیلی ہو اس کی ہر اک بات ہے یوں جیسے کوئی پہیلی ہو
خمار تشنہ لبی میں یہ کام کر آئے ہم اپنی پیاس کو دریا کے نام کر آئے تمہارے لمس کا صندل مہکنے والا ہے خبر یہ ہم بھی درختوں میں عام کر آئے اسے گلے سے لگانا تو خواب ٹھہرا ہے یہی بہت ہے جو اس سے کلام کر آئے تمہاری یاد کی چھاؤں میں دن گزارا ہے تمہارے ذکر کے سائے میں شام کر آئے کچھ اور ...
یوں تو دیکھی ہیں مرے یار سبھی کی آنکھیں اس کی آنکھوں سی کہاں اور کسی کی آنکھیں وہ تو پربت کی بلندی کو بھلا بیٹھی ہے گم ہیں یوں تیرے ابھاروں میں ندی کی آنکھیں اس کی گردن کے سبھی طوق اتر جاتے ہیں جس پہ اٹھ جاتی ہیں اک بار ولی کی آنکھیں بس تری راہ میں لٹنے کو تلے بیٹھے ہیں کسی لمحے ...
سنو دریا کی دہائی صاحب پیاس ملنے نہیں آئی صاحب یاد کرتی ہے مہکتی سرسوں راہ تکتی ہے پھلائی صاحب میرے ہاتھوں میں قلم تھا لیکن میں نے تلوار اٹھائی صاحب مجھ پہ پتھراؤ کیا پھولوں نے چوٹ خوشبو نے لگائی صاحب میرے ہونٹوں سے چھڑا کر دامن پیاس دریا میں نہائی صاحب
ہر کٹھن موڑ پہ بنتے ہیں سہارے میرے دوست اچھے ہیں سنو سارے کے سارے میرے یہ الگ بات کہ کچھ کر نہیں پائیں گے مگر رات کی راہ تو روکیں گے ستارے میرے کہیں سرسوں کا تلاطم کہیں کاہو کا سکوت ایک سے ایک ہیں گاؤں کے نظارے میرے شب سمجھتی ہے مری بات کی ساری پرتیں دن پہ کھل ہی نہیں پاتے ہیں ...
یہ الگ بات کہ ہم سا نہیں پیاسا کوئی پھر بھی دریا سے تعلق نہیں رکھا کوئی میرے مکتب کو دھماکے سے اڑایا گیا ہے اب کہ ہاتھوں میں کتابیں ہیں نہ بستہ کوئی جانے کس اور گیا قافلہ امیدوں کا دل کے صحرا میں نہیں آس کا خیمہ کوئی کس عجب دھن میں یہاں عمر گنوائی ہم نے قرض مٹی کا اتارا نہ ہی ...
اس کی خوشبو کی چاپ سنتے ہی پھول کھلنے لگے تھے بیلے میں اس نے وعدہ کیا ہے ملنے کا مجھ سے آئندگاں کے میلے میں آؤ ڈھونڈیں کہاں گیا سورج شام کے سرمئی جھمیلے میں اس سے کہنا کہ لوٹ آئے وہ بات کرنا مگر اکیلے میں اس کے چھوتے ہی ہوش کی ناؤ بہہ گئی خوشبوؤں کے ریلے میں
جب رکھے پاؤں اس نے پانی میں آ گئی موج بھی روانی میں سارے مضمون تھے بلاغت کے ایک کمسن کی بے زبانی میں اک نیا ذائقہ جنم لے گا پیاس دیکھو ملا کے پانی میں غم نہ دیکھا کوئی بڑھاپے کا مر گئے شکر ہے جوانی میں آج روٹھی ہے سانولی مجھ سے کہہ دیا جانے کیا روانی میں
جب جب اس کو سوچا ہے دل اندر سے مہکا ہے صحرا پر موقوف نہیں دریا بھی تو پیاسا ہے تیرے روپ کا سایہ تو سیدھا دل پر پڑتا ہے سب سے اس کی باتیں کرنا کتنا اچھا لگتا ہے چوٹ لگے اک عمر ہوئی زخم ابھی تک رستا ہے شام کی بانہوں میں نعمانؔ کس کو سوچتا رہتا ہے