نظر ملی تھی کسی بے خبر سے پہلے بھی صدائے تشنہ اٹھی تھی جگر سے پہلے بھی یہ سحر کم ہے کہ شاداب ہو گیا صحرا بہے تھے اشک بہت چشم تر سے پہلے بھی نیا نہیں ہے تقاضائے شیشہ و تیشہ گزر چکا ہوں میں اس درد سر سے پہلے بھی میں خاک چھاننے والا سواد صحرا کا پڑے تھے پاؤں میں چھالے سفر سے پہلے ...
ہر شے وہی نہیں ہے جو پرچھائیوں میں ہے اس کے سوا کچھ اور بھی گہرائیوں میں ہے آئینہ جس سے ٹوٹ کے بے آب ہو گیا وہ عکس بے نوا بھی تماشائیوں میں ہے فرصت ملے تو میں بھی کوئی مرثیہ لکھوں اک دشت کربلا مری تنہائیوں میں ہے کس شہر میں تلاش کریں رشتۂ وفا سنتے تو ہیں پرانی شناسائیوں میں ...
مجھے کل ملا جو سر چمن وہ تمام نخل شباب سا کوئی بات اس کی شراب سی کوئی حرف اس کا گلاب سا جسے زندگی نہ بھلا سکے جسے موت بھی نہ مٹا سکے وہی میں ہوں غالبؔ خستہ جاں وہی میرؔ خانہ خراب سا وہ تمام گرد فنا ہوئی مرے جسم و جاں پہ جو بار تھی تری اک نظر میں سمٹ گیا مرے سر پہ تھا جو عذاب سا وہی ...
موج گل برگ حنا آب رواں کچھ بھی نہیں اس جہان رنگ و بو میں جاوداں کچھ بھی نہیں پھر وہی ذوق تعلق پھر وہی کار جنوں سر میں سودا ہے تو آشوب جہاں کچھ بھی نہیں اک سمندر کتنا گہرا میرے پس منظر میں ہے سامنے لیکن زمین و آسماں کچھ بھی نہیں دھوپ کی چادر بھی مل جائے تو کافی ہے بہت کچے پکے ...
خاک اغیار سے یا رب مجھے پیوند نہ کر مجھ کو ان چاند ستاروں میں نظر بند نہ کر ایک ہی بار چھلک جانے دے پیمانہ مرا لمحہ لمحہ مجھے آزردہ و خورسند نہ کر تجھ کو پہچان لیں یا تجھ کو خدا کہہ بیٹھیں اپنے دیوانوں کو اتنا بھی خرد مند نہ کر شہر دلی تو امانت ہے مرے پرکھوں کی اس کو بے رنگ و صدا ...
یہ بزم شب ہے یہاں علم و آگہی کم ہے کئی چراغ جلے پھر بھی روشنی کم ہے اسی لئے تو مری اس سے دوستی کم ہے وہ خود پرست زیادہ ہے آدمی کم ہے یہی بہت ہے کہ پانی کو چھو لیا ہم نے بڑا ہے بحر محبت شناوری کم ہے ہوائے گرم چلی یوں کہ بجھ گئے چہرے گلوں میں اب کے برس بھی شگفتگی کم ہے کہاں کے عشق و ...
اک نگاہ دلبری میری طرف زندگی آ جائے گی میری طرف سیم و زر کا اک شجر اس کے لیے شاخ علم و آگہی میری طرف میرے اندر بھی اندھیرا ہے بہت روشنی اے روشنی میری طرف سیر گل سیر چمن سب اس کے نام شہر بھر کی ناخوشی میری طرف دست مجنوں کے ہرن کالے ہوئے برف سی گرتی ہوئی میری طرف اس کے دست ناز ...
مرے خیال سے آگے ترا نشانہ پڑا سمند شوق پہ اک اور تازیانہ پڑا ابھی تو عشق و نظر کے ہزار پہلو تھے گلے ہمارے کہاں سے غم زمانہ پڑا پرائے نور سے میں کسب فیض کیا کرتا اثر پڑا ہے کبھی کچھ تو غائبانہ پڑا مجھے بھی قرض چکانا تھا اس کا اب کے برس غلط نہیں جو مرا دشت میں ٹھکانا پڑا کسی کے ...
خود آزما کے بھی دعوے اجل کے دیکھتے ہیں دیار شوق میں اک بار چل کے دیکھتے ہیں پگھلتی ہے کہ نہیں برف نا شناسائی کسی کی گرم نگاہی سے جل کے دیکھتے ہیں یہ دشت ہو سر گلشن کہاں سے آ نکلا یہ معجزہ ہے تو گھر سے نکل کے دیکھتے ہیں جنہیں ملی ہی نہیں چشم و دل کی بینائی تماشے وہ بھی خمار ازل کے ...
صحبت شب کا طلب گار نہ ہوگا کوئی خوف اتنا ہے کہ بیدار نہ ہوگا کوئی دھوپ ہر سمت سے نکلی تو کہاں جاؤ گے دشت میں سایۂ دیوار نہ ہوگا کوئی حرف احساس بھی جل جائے گا ہونٹوں کی طرح مدعا قابل اظہار نہ ہوگا کوئی میں کہ پروردۂ صحرا ہوں بکوں گا کیسے دیکھ لینا کہ خریدار نہ ہوگا کوئی کچھ تو ...